ନଦୀରେ ବୁଡି ଜଣେ ନିଖୋଜ

ରାଉଲକେଲା: ରାଉଲକେଲା ଅଞ୍ଚଳରୁ ଆସିଛି ଏକ ଦୁଃଖଦାୟକ ଖବର । ଗାଧେଇବା ବେଳେ ଭାସିଗଲେ ୩ ନାବାଳକ । ସୂଚନା ମୁତାବକ ସେକ୍ଟର ୧୯ ହମିରପୁର ଘାଟ କୋଏଲ ନଦୀରେ ଭାସିଗଲେ ୩ ନାବାଳକ । ୨ ନାବାଳକଙ୍କୁ ସୁରକ୍ଷିତ ଅବସ୍ଥାରେ ଉଦ୍ଧାର କରାଯାଇଥିବା ବେଳେ ଆଉ ଜଣେ ନାବାଳକ ଏବେ ଯାଏଁ ନିଖୋଜ ରହିଥିବାବେଳେ ଖୋଜା ଖୋଜି ଜାରି ରହିଥିବାର ସୂଚନା ରହିଛି । ତେବେ ଭାସିଯାଇଥିବା ନାବାଳକ ଜଣଙ୍କ ୫ ଶ୍ରେଣୀର ଛାତ୍ର ହୋଇଥିବା ବେଳେ ଅଗ୍ନିଶମ ବାହିନୀ ପକ୍ଷରୁ ଖୋଜାଖୋଜି ଜାରି ରହିଛି । ସ୍ଥାନୀୟ ଲୋକଙ୍କ କହିବା ଅନୁଯାଇ ଏଭଳି ଘଟଣା ବାରମ୍ବାର ଘଟିବାରେ ଲାଗିଛି । ତେବେ ସୂଚନା ଅନୁଯାଇ ଓଡ୍ରାଫ ଟିମ ଏବଂ ଅଗ୍ନିଶମ ବାହିନୀର ଗଭୀର ପାଣି ଭିତରେ ଖୋଜ ଖୋଜି ଜାରି ରହିଛି ।