ରାତି ସାରା ଝରକା ରେଲିଂରେ କୁନି ଝିଅ

କେନ୍ଦୁଝର : ଝରକା ରେଲିଂରେ ସାରା ରାତି  ଲଟକି ରହିଲେ ଦ୍ୱିତୀୟ ଶ୍ରେଣୀ ଛାତ୍ରୀ । ଝରକା ରେଲିଂକୁ ବଙ୍କା କରିବାରେ ସକ୍ଷମ ହୋଇଥିଲେ ମଧ୍ୟ ବାହାରିପାରିଲେନି ଛାତ୍ରୀ । ରେଲିଂ ଭିତରେ ମୁଣ୍ଡ ଅଟକ ଯାଇଥିଲା । ଶରୀରର  ବାହାର ଆଡକୁ ରହିଥଲା । ଏଭଳି ଘଟଣା କେନ୍ଦୁଝର ଜିଲ୍ଲା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଦେଖାଯାଇଥିଲା ।  ସୂଚନା ଅନୁଯାୟୀ ଗତକାଲି ସ୍କୁଲ ଛୁଟି ହେବା ପରେ ତାଲା ପକାଇ ପଳାଇଥିଲେ ବିଦ୍ୟାଳୟ କର୍ତ୍ତୁପକ୍ଷ । ତେବେ ଶ୍ରେଣୀ ଗୃହ ଭିତରେ ରହିଯାଇଥିଲେ , ଜଣେ ଦ୍ୱିତୀୟ ଶ୍ରେଣୀର ଛାତ୍ରୀ । ପରିବାର ଲୋକେ ବହୁ ଖୋଜା ଖୋଜି ପରେ ବି  ତାଙ୍କୁ ପାଇନଥିଲେ ।  ଆଜି ସକାଳୁ ସ୍କୁଲ ଗେଟ ଖୋଲିବା ପରେ  ଛାତ୍ରୀ ଜଣଙ୍କୁ ଏଭଳି  ଅବସ୍ଥାରେ ଦେଖିବା ପାଇଁ ମିଳିଥିଲା । ଝିଅଟି ବାହାରକୁ ବାହାରିବା ପାଇଁ ଚେଷ୍ଟା କରି ନିଜର ସମଗ୍ର ବଳ ଖଟାଇ ଲୁହା ରେଲିଂକୁ ବଙ୍କା କରିଥିଲେ ବି ମୁଣ୍ଡଟି ରେଲିଂ ଭିତରୁ ଆଉ ବାହାରି ପାରିନଥିଲା ।  ଫଳରେ ଛାତ୍ରୀ ଜଣଙ୍କ ଏମିତି ଅବସ୍ଥାରେ ହିଁ  ସାରା ରାତି ଝରକାରେ  ଝୁଲି ରହିଥିଲେ । ଆଜି ସକାଳେ ହିଁ ସ୍କୁଲ ଖୋଲିବା ପରେ  ପରିବାର ଲୋକ ଏବଂ ଗ୍ରାମବାସୀ  ମିଶି ଛାତ୍ରୀ ଜଣଙ୍କୁ  ଉଦ୍ଧାର କରିବା ପରେ  ଜିଲ୍ଲା ମୁଖ୍ୟ ଚିକିତ୍ସାଳୟରେ  ଭର୍ତ୍ତି କରିଥିଲେ । ପ୍ରାଥମିକ ଚିକିତ୍ସା ପରେ  ଛାତ୍ରୀ ଜଣଙ୍କ ଘରକୁ ଫେରିଥିବା  ବେଳେ ସେ ଏବେ  ସୁସ୍ଥ ଥିବା ଜଣାପଡିଛି । ଏନେଇ ବିଦ୍ୟାଳୟ ଗଣଶିକ୍ଷା ବିଭାଗକୁ  ସୂଚନା ଦିଆଯାଇଛି ।