ବିହାରରେ ଜଣେ ହେଲେ ଅନୁପ୍ରବେଶକାରୀଙ୍କୁ ରହିବାକୁ ଦିଆଯିବ ନାହିଁ: ଶାହ

ନୂଆଦିଲ୍ଲୀ: କେନ୍ଦ୍ରମନ୍ତ୍ରୀ ଅମିତ ଶାହ ଶୁକ୍ରବାର ବିହାରର ସିୱାନରେ ଏକ ନିର୍ବାଚନୀ ରାଲିକୁ ସମ୍ବୋଧିତ କରି କହିଛନ୍ତି, ରାଜ୍ୟର ଭୋଟରମାନଙ୍କୁ ଗ୍ୟାଙ୍ଗଷ୍ଟରରୁ ରାଜନେତା ହୋଇଥିବା ମହମ୍ମଦ ଶାହାବୁଦ୍ଦିନଙ୍କ ଚିନ୍ତାଧାରାକୁ ପରାସ୍ତ କରିବାକୁ ପଡିବ, ଯାହା ଯୋଗୁଁ ରାଜ୍ୟ ବହୁତ କ୍ଷତି ସହିଛି। ସିୱାନର ସାହସୀ ଲୋକମାନେ କେବେ ଶାହାବୁଦ୍ଦିନଙ୍କ ସମ୍ମୁଖରେ ଆତ୍ମସମର୍ପଣ କରି ନଥିଲେ। ତାଙ୍କ ପୁଅକୁ ଲାଲୁ ପ୍ରସାଦ ଯାଦବ ନିଜେ ରଘୁନାଥପୁରରୁ ଟିକେଟ୍ ଦେଇଛନ୍ତି। ଏବେ, ନୀତିଶ କୁମାର ଏବଂ ନରେନ୍ଦ୍ର ମୋଦିଙ୍କ ଶାସନରେ, ଯଦିଓ ୧୦୦ ଶାହାବୁଦ୍ଦିନ ଆସିଯାଆନ୍ତି, କେହି ଆପଣଙ୍କର କିଛି କ୍ଷତି କରିପାରିବେ ନାହିଁ,” ସେ କହିଛନ୍ତି। କେନ୍ଦ୍ର ଗୃହମନ୍ତ୍ରୀ ଆହୁରି କହିଛନ୍ତି ଯେରାଲି ସମୟରେ ସେ କହିଥିଲେ ଯେ ବିହାର ଏବଂ ଦେଶର ଅନ୍ୟାନ୍ୟ ସ୍ଥାନରେ ଜଣେ ହେଲେ ଅନୁପ୍ରବେଶକାରୀଙ୍କୁ ରହିବାକୁ ଦିଆଯିବ ନାହିଁ। ବିହାର ନଭେମ୍ବର ୧୪ରେ ‘ପ୍ରକୃତ ଦୀପାବଳି’ ପାଳନ କରିବ । “ନୀତୀଶ କୁମାର ‘ଜଙ୍ଗଲ ରାଜ’ର ଅନ୍ତ କରିଛନ୍ତି। ସେ ସମଗ୍ର ବିହାରକୁ ‘ଜଙ୍ଗଲ ରାଜ’ରୁ ମୁକ୍ତ କରିଛନ୍ତି ଏବଂ 20 ବର୍ଷ ପରେ ମଧ୍ୟ, ଆମେ ନୀତିଶ କୁମାରଙ୍କ ନେତୃତ୍ୱରେ ଏହି ନିର୍ବାଚନ ଲଢ଼ୁଛୁ,” ସେ କହିଛନ୍ତି।