ବାଘ – କୁକୁର ମୁହାଁମୁହିଁ: ଭାଇରାଲ ହେଲା ଭିଡ଼ିଓ

ରାଜସ୍ଥାନ : ରାଜସ୍ଥାନ ଆବୁ ପର୍ବତରେ ଘଟିଥିବା ଏହି ଭୟଙ୍କର ଘଟଣା  ଲୋକଙ୍କୁ ଚକିତ କରି ଦେଇଛି । ଶୁକ୍ରବାର ସକାଳେ ଆବୁ ପର୍ବତରେ  ଏକ ଚିତାବାଘ ଘରେ ପଶି ଏକ ଗୃହ ପାଳିତ କୁକୁର ଉପରେ  ଆକ୍ରମଣ କରିଥିଲା । ଏ ସମ୍ପୁର୍ଣ୍ଣ ଘଟଣା  ସିସିଟିଭିରେ କଏଦ ହୋଇଛି ।  ଯାହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭିଡିଓରେ  ଏହା ଦେଖିବାକୁ  ମିଳିଛି ଯେ ଚିତାବାଘ ଜଙ୍ଗଲରୁ ବାହାରି  ଏକ ଜନବହୁଳ ଅଞ୍ଚଳରେ  ଏକ ଗେଷ୍ଟ ହାଉସରେ ପ୍ରବେଶ କରିଥିଲା । ସେଠାରେ ପହଞ୍ଚିବା ମାତ୍ରେ  ଘରେ ଥିବା ପୋଷା କୁକୁର ଉପରେ ଆକ୍ରମଣ କରିଥିଲା । କିନ୍ତୁ କିଛି ସମୟ ପରେ ଚିତାବାଘ କୁକୁରକୁ ଛାଡି ପଳାଇଲା । ଦୃଶ୍ୟଟି ଅତ୍ୟନ୍ତ ଭୟାନକ ଥିଲା ।  ଘରେ ଥିବା ଲୋକମାନେ  ଭୟଭୀତ ହୋଇଥିଲେ ।  ଘଟଣା ସ୍ଥଳରେ କୁକୁରଟିର କୌଣସି କ୍ଷତି ହୋଇନଥିଲ।। ଘଟଣାଟି  ଶୁକ୍ରବାର ପ୍ରାୟ ୯ଟା ସମୟରେ ଘଟିଥିଲା ।  ସ୍ଥାନୀୟ ଲୋକେ କହିଛନ୍ତି,  ଏଭଳି ପରିବେଶରେ  ସତର୍କ ରହିବା ଆବଶ୍ୟକ ।  ଆବୁ ପର୍ବତ ଏବଂ ଏହାର ଆଖପାଖ  ଅଞ୍ଚଳରେ ବଣୁଆ  ଜନ୍ତୁ ଯୋଗୁଁ  ଲୋକମାନେ ଭୟଭୀତ  ହେଉଛନ୍ତି ।