କାର ଭିତରେ ଅଣନିଃଶ୍ଵାସୀ ହୋଇ ଚାଲିଗଲା ୪ ଶିଶୁଙ୍କ ଜୀବନ

ଗୁଜରାଟ : କାର୍ ଡୋର ଖୋଲା ରଖିବା କେତେ ବିପଦପୂର୍ଣ୍ଣ ହୋଇଥାଏ ତାହା ଦେଖିବାକୁ ମିଳିଛି ଗୁଜରାଟର ଏକ ଘଟଣାରୁ। କାର ଭିତରେ ଅଣନିଃଶ୍ଵାସୀ ହୋଇ ଚାଲିଯାଇଛି ୪ ଶିଶୁଙ୍କ ଜୀବନ। ସମସ୍ତ ଶିଶୁଙ୍କ ବୟସ ୨ରୁ ୭ ବର୍ଷ ମଧ୍ୟରେ। ଗୁଜରାଟର ଅମରେଲି ଅନ୍ତର୍ଗତ ରନ୍ଧିୟା ଗ୍ରାମରେ ଏହି ଅଭାବନୀୟ ଘଟଣା ଘଟିଛି। ପୁଲିସ ସୂଚନା ଅନୁସାରେ, ପିଲମାନଙ୍କର ପରିବାର ଲୋକେ ସେମାନଙ୍କୁ ଘରେ ଛାଡ଼ି ଗାଁର ଏକ ଫାର୍ମ ହାଉସକୁ କାମ କରିବାକୁ ଯାଇଥିଲେ। ଘରେ ୭ ପିଲା ରହିଥିଲେ। ସେମାନଙ୍କ ମଧ୍ୟରୁ ୪ ଜଣ ଖେଳୁ ଖେଳୁ ନିଜ ଘର ପାଖରେ ରଖାଯାଇଥିବା ଫାର୍ମ ହାଉସ ମାଲିକଙ୍କ କାର ଭିତରେ ପଶିଯାଇଥିଲେ। ପରେ ସେମାନେ କାର ଭିତରୁ ଡୋର ଲକ୍ କରିଦେଇଥିଲେ। କିନ୍ତୁ ପରବର୍ତ୍ତୀ ସମୟରେ ସେଥିରୁ ବାହାରିପାରି ନ ଥିଲେ। ଯାହାଫଳରେ ଅଣନିଃଶ୍ଵାସୀ ହୋଇ ପିଲାମାନେ ପ୍ରାଣ ହରାଇଥିଲେ। ପରିବାର ଲୋକେ ଏବଂ ଫାର୍ମ ହାଉସ ମାଲିକ କାମ ସାରି ସନ୍ଧ୍ୟାରେ ଫେରିବା ପରେ କାର ଭିତରୁ ୪ ପିଲାଙ୍କ ମୃତଦେହ ମିଳିଥିଲା। ଏହି ଘଟଣା ପରେ ଗ୍ରାମରେ ଶୋକର ବାତାବରଣ ଖେଳିଯାଇଛି।