ପୋଲିସ ଗାଡ଼ି ଧକ୍କାରେ ୮ ବର୍ଷର ଛାତ୍ର ମୃତ

ବ୍ରହ୍ଣପୁର: ବ୍ରହ୍ଣପୁରରୁ ସାମ୍ନାକୁ ଆସିଛି ଏକ ଦୁଃଖଦ ଘଟଣା । ପୋଲିସ ଗାଡି ଧକ୍କାରେ ଜଣେ ଆଠ ବର୍ଷର ବାଳକର ମୃତ୍ୟୁ ଘଟିଛି । ଏହି ଘଟଣାଟି ଗଞ୍ଜାମ ଜିଲ୍ଲାର ବ୍ରହ୍ମପୁର ସଦର ଥାନା ସୀମା ଅନ୍ତର୍ଗତ ବାଲିପଡା ଅଞ୍ଚଳରେ ଘଟିଛି । ମୃତ ବାଳକଟି ବାଲିପଡ଼ା ଗାଁର। ରିପୋର୍ଟ ଅନୁସାରେ, ଆଜି ପୋଲିସ ଗାଡ଼ି ଧକ୍କା ଦେବାରୁ ଆଠ ବର୍ଷର ଛାତ୍ରଟିର ମୃତ୍ୟୁ ହୋଇଛି। ଏହି ଘଟଣା ପରେ ସ୍ଥାନୀୟ ଲୋକମାନେ ରାସ୍ତା ଅବରୋଧ କରି ପ୍ରତିବାଦ ପ୍ରଦର୍ଶନ କରିଛନ୍ତି। ମୃତକଙ୍କ ପରିବାରକୁ କ୍ଷତିପୂରଣ ଦାବି କରି ଆନ୍ଦୋଳନକାରୀମାନେ ପ୍ରତିବାଦ କରୁଛନ୍ତି। ତେଣୁ, ବ୍ରହ୍ମପୁର-ଦିଗାପହାଣ୍ଡି ରାସ୍ତା ଅବରୋଧ କରାଯାଇଛି। ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଆନ୍ଦୋଳନକାରୀଙ୍କ ସହ ଆଲୋଚନା କରିଛି। ଯେକୌଣସି ଅପ୍ରୀତିକର ଘଟଣାର ମୁକାବିଲା ପାଇଁ ଘଟଣାସ୍ଥଳରେ ପୋଲିସ କର୍ମଚାରୀଙ୍କୁ ନିୟୋଜିତ କରାଯାଇଛି। ଅଧିକ ତଥ୍ୟ ପାଇଁ ତଦନ୍ତ ଜାରି ରହିଛି।