ପାଗଳ କୁକୁର କାମୁଡାରେ ୭ ଆହତ

ବାଲେଶ୍ୱର : ମାତିଛନ୍ତି ପାଗଳା କୁକୁର ।  ମଣ୍ଣିଂ ୱାର୍କ କରୁଥିବା ସମୟରେ ରାସ୍ତାରେ ଲୋକଙ୍କୁ ଗୋଡାଇ ଗୋଡାଇ କାମୁଡୁଛି ପାଗଳା କୁକୁର । ଏଭଳି ଅଘଟଣ  ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ  କର୍ମଦା ବଜାରରେ  ଘଟିଛି । ପାଗଳା କୁକୁର କାମୁଡାରେ ୭ ଜଣ ଆହତ ହୋଇଛନ୍ତି । ସମସ୍ତଙ୍କୁ କର୍ମଦା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି  କରାଯାଇଛି । ଆଜି ସକାଳେ  ଲେକମାନେ କର୍ମଦା ବଜାର ନିକଟରେ ମଣ୍ଣିଂ ୱାର୍କ କରୁଥିଲେ । ଏହି ସମୟରେ ପାଗଳା କୁକୁର ଲୋକଙ୍କୁ ଗୋଡାଇଥିଲା । ସେଥିରୁ  ୫ ଜଣ ମହିଳା ସହ ଜଣେ ପୁରୁଷ ଓ ଜଣେ ନାବାଳକ ଅଛନ୍ତି । ପାଗଳାକୁକୁର ଭୟରେ କେହି ବାହାରକୁ  ବାହାରୁନାହାନ୍ତି ।