ନୂଆଦିଲ୍ଲୀ: ସଂସଦରେ ବଜେଟ ୨୦୨୬ – ୨୭ ଉପସ୍ଥାପନ କରୁଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ । ଲଗାତାର ନବମ ଥର ପାଇଁ ବଜେଟ ଆଗତ କରିଛନ୍ତି ନିର୍ମଳା ସୀତାରମଣ । ସେ କହିଛନ୍ତି ଯେ ଦେଶରେ ୭ଟି ହାଇସ୍ପିଡ୍ ରେଲୱେ କରିଡର ନିର୍ମାଣ ହେବ । ବାରଣାସୀ – ସିଲିଗୁଡି, ଦିଲ୍ଲୀ – ବରାଣାସୀ, ମୁମ୍ବାଇ – ପୁନେ, ବେଙ୍ଗାଲୁରୁ – ଚେନ୍ନାଇ, ପୁନେ – ହାଇଦ୍ରାବାଦ, ହାଇଦ୍ରାବାଦ – ବେଙ୍ଗାଲୁର ଏବଂ ହାଇଦ୍ରାବାଦ – ଚେନ୍ନାଇ ହାଇସ୍ପିଡ୍ ରେଲୱେ କରିଡର ହେବ । ୫ ବର୍ଷରେ ୨୦ ନୂଆ ଜଳପଥ ନିର୍ମାଣ କରିବୁ । ସଂଯୋଗ ପାଇଁ ଦେଶରେ ସମୁଦ୍ର ବିମାନ ନିର୍ମାତାମାନଙ୍କୁ ସହାୟତା ଦିଆଯିବ । ବିକଶିତ ଭାରତ ପାଇଁ ଏକ ଉଚ୍ଚସ୍ତରୀୟ ବ୍ୟାଙ୍କିଙ୍ଗ କମିଟି ଗଠନ କରାଯିବ ।
ସେ ଆହୁରି କହିଛନ୍ତି ଯେ ଆମେ ମାଲ ପରିବହନ ପାଇଁ ଏକ ମାଲ ପରିବହନ କରିଡର ନିର୍ମାଣ କରିବୁ । ୫ ଲକ୍ଷରୁ ଅଧିକ ଜନସଂଖ୍ୟା ବିଶିଷ୍ଟ ଟାୟାର-୨ ଏବଂ ୩ ସହରଗୁଡ଼ିକର ବିକାଶ ପାଇଁ ୧୧.୨ ଲକ୍ଷ କୋଟି ଟଙ୍କା ମଞ୍ଜୁର କରାଯାଇଛି । ଏହାକୁ ୨୦୨୬-୨୭ ମସିହାରେ ୧୨.୨ ଲକ୍ଷ କୋଟି ଟଙ୍କାକୁ ବୃଦ୍ଧି କରାଯିବ । ମାଲ ପରିବହନ ପାଇଁ ଏକ ସମର୍ପିତ ମାଲ ପରିବହନ କରିଡର ନିର୍ମାଣ କରାଯିବ । ପୂର୍ବରେ ଡାଙ୍କୁନିରୁ ପଶ୍ଚିମରେ ସୁରଟକୁ ବନ୍ଦର ସହିତ ସଂଯୋଗ କରିବାର ଯୋଜନା ମଧ୍ୟ ରହିଛି । ଜଳପଥ ବ୍ୟବହାର ପାଇଁ ତାଲିମ – ବାରାଣସୀ ଏବଂ ପାଟନାକୁ ବିକଶିତ କରି ଆଭ୍ୟନ୍ତରୀଣ ଜଳପଥ ବିକଶିତ କରାଯିବ ।
