ଭାରତ ସରକାରଙ୍କ ପର୍ଯ୍ୟଟନ ମନ୍ତ୍ରୀ ଶ୍ରୀ ଗଜେନ୍ଦ୍ର ସିଂହ ଶେଖାବତ୍ ଏହି କାର୍ଯ୍ୟକ୍ରମରେ ଉପସ୍ଥିତ ରହିବେ
୧୦୦ ଘରୋଇ ଏବଂ ୩୦ ବିଦେଶୀ ଟୁର ଅପରେଟର୍ ଏଥିରେ ଭାଗ ନେବେ
କ୍ରେତା ଏବଂ ବିକ୍ରେତାଙ୍କ ମଧ୍ୟରେ ବି୨ବି ଓ ବି୨ଜି ବୈଠକ ହେବ ମୁଖ୍ୟ ଆକର୍ଷଣ
ଭୁବନେଶ୍ୱର : ଓଡିଶା ସରକାରଙ୍କ ପର୍ଯ୍ୟଟନ ବିଭାଗ ଏବଂ ଫେଡେରେସନ୍ ଅଫ୍ ଇଣ୍ଡିଆନ୍ ଚେମ୍ବର୍ସ୍ ଅଫ୍ କମର୍ସ ଏଣ୍ଡ ଇଣ୍ଡଷ୍ଟ୍ରୀ (ଫିକି) ମିଳିତ ଭାବରେ ୨୪ରୁ ୨୭ ଫେବୃଆରୀ ୨୦୨୫ ଭୁବନେଶ୍ୱରରେ ୬ଷ୍ଠ ଓଡିଶା ଟ୍ରାଭେଲ ବଜାରର ଆୟୋଜନ କରୁଛନ୍ତି। ଏହି କାର୍ଯ୍ୟକ୍ରମ ମେଫେୟାର କନ୍ଭେନ୍ସନ୍ ଏବଂ ସ୍ୱସ୍ତି ପ୍ରିମିୟମ୍ ଭୁବନେଶ୍ୱରରେ ଅନୁଷ୍ଠିତ ହେବ ଏବଂ ଏହା ଓଡିଶାର ପର୍ଯ୍ୟଟନ କ୍ଷେତ୍ରକୁ ଦୃଢ଼ କରିବା ଏବଂ ବିଶ୍ୱରେ ଏହାର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିବା ଲକ୍ଷ୍ୟରେ ଆୟୋଜିତ ହେଉଛି। ଏହି ଉଦଘାଟନ ସଭାରେ କେନ୍ଦ୍ର ପର୍ଯ୍ୟଟନ ଏବଂ ସଂସ୍କୃତି ମନ୍ତ୍ରୀ, ଶ୍ରୀ ଗଜେନ୍ଦ୍ର ସିଂହ ଶେଖାବତ୍, ଉପ-ମୁଖ୍ୟମନ୍ତ୍ରୀ ତଥା ମହିଳା ଓ ଶିଶୁ ବିକାଶ, ମିଶନ ଶକ୍ତି ଓ ପର୍ଯ୍ୟଟନ ମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡା, ବିଧାୟକ, ଏକାମ୍ର ଶ୍ରୀ ବାବୁ ସିଂହ, ମୁଖ୍ୟ ଶାସନ ସଚିବ ଶ୍ରୀ ମନୋଜ ଆହୁଜା, ପର୍ଯ୍ୟଟନ ବିଭାଗ କମିଶନର-ତଥା ଶାସନ ସଚିବ ଶ୍ରୀ ବଲୱନ୍ତ ସିଂହ, ବିଭାଗୀୟ ନିର୍ଦ୍ଦେଶକ, ଶ୍ରୀ ସମର୍ଥ ବର୍ମା, ସହ-ଅଧ୍ୟକ୍ଷ, ଫିକି ପର୍ଯ୍ୟଟନ କମିଟି ଏବଂ ଆଜୀବନ ଅଧ୍ୟକ୍ଷ, ହାରୋ, ଶ୍ରୀ ଜେ କେ ମହାନ୍ତି, ବରିଷ୍ଠ ସହଯୋଗୀ, ଫିକି ଶ୍ରୀ ମାନବ ମଜୁମଦାର ଉପସ୍ଥିତ ରହିବେ, ।
ଏହି କାର୍ଯ୍ୟକ୍ରମର ଅନ୍ୟାନ୍ୟ ମୁଖ୍ୟ ଆକର୍ଷଣ ମଧ୍ୟରେ ଅନ୍ତର୍ଭୁକ୍ତ “ଏକ୍ସପ୍ଲୋର ଓଡ଼ିଶା କ୍ୱିଜ – ଚ୍ୟାଲେଞ୍ଜ ୟୋରସେଲ୍ଫ ଆଣ୍ଡ ୱିନ’ ପ୍ରତିଯୋଗିତାର ଶୁଭାରମ୍ଭ । ୨୦୨୫ ଓଡିଶା ଟ୍ରାଭେଲ ବଜାରରେ ଭାରତର ୩୦ଟି ସହରରୁ ପ୍ରାୟ ୧୦୦ ଜଣ ଘରୋଇ ଟୁର ଅପରେଟର୍ ଏବଂ ୧୭ଟି ଦେଶରୁ ୩୦ରୁ ଅଧିକ ବିଦେଶୀ ଟୁର ଅପରେଟର୍ ଭାଗ ନେବେ, ଯେଉଁଥିରେ ଅଷ୍ଟ୍ରେଲିଆ, ଯୁକ୍ତରାଜ୍ୟ, ଜର୍ମାନୀ, ବେଲଜିୟମ୍, ଦକ୍ଷିଣ ଆଫ୍ରିକା, ସ୍ପେନ୍ ଏବଂ ସିଙ୍ଗାପୁର୍ ଅନ୍ତର୍ଭୁକ୍ତ। ଏହି କାର୍ଯ୍ୟକ୍ରମରେ ଓଡିଶାର ପର୍ଯ୍ୟଟନ କ୍ଷେତ୍ରର ୭୦ ଜଣ ବିକ୍ରେତା ଏବଂ ଘରୋଇ ଏବଂ ବିଦେଶୀ ଟୁର ଅପରେଟର୍ମାନଙ୍କ ମଧ୍ୟରେ ୩,୦୦୦ରୁ ଅଧିକ ବି୨ବି ସଭା ଆୟୋଜିତ ହେବ, ଯାହା ଅର୍ଥପୂର୍ଣ୍ଣ ବ୍ୟବସାୟିକ ସହଯୋଗକୁ ସୁଗମ କରିବ। ଏହା ଛଡା, ବି୨ଜି ସଭା ଏବଂ ଆଡଭେଞ୍ଚର ଟୁରିଜିମ୍ କର୍ମଶାଳା ମଧ୍ୟ ଏହି କାର୍ଯ୍ୟକ୍ରମର ଅଂଶ ହେବ। ଓଡିଶାର ବିବିଧ ପର୍ଯ୍ୟଟନ ଆକର୍ଷଣକୁ ପ୍ରତ୍ୟକ୍ଷ ଅନୁଭବ କରାଇବା ପାଇଁ ଭିତରକାନିକା, ରଘୁରାଜପୁର, ପୁରୀ-କୋଣାର୍କ, ଏବଂ ଡାଏମଣ୍ଡ ଟ୍ରାଏଙ୍ଗଲ୍ ଭଳି ପ୍ରମୁଖ ସ୍ଥାନଗୁଡ଼ିକୁ ପରିଚୟ ଯାତ୍ରା ଆୟୋଜିତ ହେବ।
