ନିଆଁଲାଗି ପୋଡିଗଲା ୪ ବାଇକ୍

ଭୁବନେଶ୍ବର: ଘର ପାର୍କିଂରେ ଜଳିଗଲା ୩ଟି ବାଇକ୍, ଗୋଟିଏ ସ୍କୁଟି । ଭୁବନେଶ୍ବର ଗୋଠପାଟଣା ଅଞ୍ଚଳରେ ସନ୍ତୋଷ ମହାନ୍ତି ନାମକ ବ୍ୟକ୍ତିଙ୍କ ଘର ପାର୍କିଂରେ ବିଳମ୍ବିତ ରାତିରେ ଏଭଳି ଅଘଟଣ ଘଟିଛି । ୪ ଟି ଦୁଇ ଚକିଆ ଯାନ ପୋଡ଼ି ପାଉଁଶ ହୋଇଯାଇଛି । ନିଆଁ ଲାଗିବା ଦେଖିବା ପରେ ସ୍ଥାନୀୟ ଲୋକମାନେ ନିଆଁକୁ ଆୟତ୍ତକୁ ଆଣିବାକୁ ଚେଷ୍ଟା କରିଥିଲେ । ପରେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି ।  କେମତି ଓ କେଉଁ ପରିସ୍ଥିତିରେ ନିଆଁ ଲାଗି ଏଭଳି ଅଘଟଣ ଘଟିଲା ତାର କାରଣ ଜଣାପଡିନାହିଁ ।