୨୫୪ ଗ୍ରାମ ବ୍ରାଉନସୁଗାର ଜବତ: ୫ ଗିରଫ

ଭୁବନେଶ୍ୱର: ରାଜଧାନୀରୁ ୨୫ ଲକ୍ଷ ଟଙ୍କାର ୨୫୪ ଗ୍ରାମ ବ୍ରାଉନସୁଗର ଜବତ ସହ ୫ ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ମୈତ୍ରୀବିହାର ଥାନା ଅଞ୍ଚଳରେ କାରବାର ବେଳେ ଧରାପଡିଥିଲେ ଅଭିଯୁକ୍ତମାନେ । ୨୫୪ ଗ୍ରାମ ବ୍ରାଉନ ସୁଗାର ସହ ୩ଟି ବାଇକ ଓ ୩ ହଜାର ଟଙ୍କା ଜବତ କରାଯାଇଛି । ୫ ଅଭିଯୁକ୍ତଙ୍କ ଭିତରୁ ଜଣେ ହେଉଛି ରାଜେନ୍ଦ୍ର ମହାପାତ୍ର , ଯାହାଙ୍କ ନାଁରେ ୨ ଟି ମାମଲା ରହିଛିI ଶିବାନନ୍ଦ ନାଁରେ ମଧ୍ୟ ଜଟଣୀ ଥାନା ଅଧୀନରେ ରହିଛି ଅପରାଧିକ ମାମଲା ରୁଜୁ ହୋଇଛିI ଅନ୍ୟପଟରେ କମିସନରେଟ ପୁଲିସ ଧଳାଜହର କାରବାର ସହିତ ସଂଶ୍ଲିଷ୍ଟ ଅଭିଯୁକ୍ତମାନଙ୍କୁ ଧରିବା ପାଇଁ ସ୍ବତନ୍ତ୍ର ଅଭିଯାନ ଜାରି ରଖିଛି।