ରାଜ୍ୟରେ ୨୩ହଜାର ୧୨୦ଟି ଆରଟିଆଇ ମାମଲା

ଭୁବନେଶ୍ୱର: ଆଜି ବିଧାନସଭା ଶୀତ ଅଧିବେଶନର ସପ୍ତମ ଦିନ । ଗୃହରେ ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁଙ୍କ ପ୍ରଶ୍ନରେ ଉତ୍ତର ରଖି ମୁଖ୍ୟମନ୍ତ୍ରୀ ମୋହନ ମାଝୀ କହିଛନ୍ତି, ରାଜ୍ୟରେ ୨୦୨୪- ୨୫ରେ ୨୩ହଜାର ୧୨୦ଟି ଆରଟିଆଇ  ମାମଲା ଗ୍ରହଣ କରାଯାଇଛି ।  ୨୨୩୭୨ ମାମଲା ସମାଧାନ ହୋଇଛି ।   ମାର୍ଚ୍ଚ ୩୧ରୁ ଏଯାଏଁ  ୯୬ ପ୍ରତିଶତ ମାମଲା ସମାଧାନ ହୋଇଛି ।  ୨୦୨୩- ୨୪ରେ ଆରଟିଆଇ ମାମଲା ୭୭ହଜାର ୮୫୨ଟି ମାମଲା ଗ୍ରହଣ କରାଯାଇଛି ।  ୭୪ହଜାର ୬୦୭ଟି ମାମଲା ସମାଧାନ ହୋଇଛି ।  ସର୍ବମୋଟ ୯୫. ୮୩ ପ୍ରତିଶତ ସମାଧାନ ହୋଇଛି ।  ୨୦୨୨ରୁ ୨୩ ଆରଟିଆଇ ମାମଲା  ୭୯ ହଜାର ୩୬୩ଟି ମାମଲା ଗ୍ରହଣ କରାଯାଇଛି ।  ୭୩ ହଜାର ୮୪୬ ମାମଲା ସମାଧାନ ହୋଇଛି । ସର୍ବମୋଟ ୯୩ ପ୍ରତିଶତ ସମାଧାନ ହୋଇଥିଲା ।