ଟୋକିଓ: ଜାପାନର ୧୪ ଜଣ ଛାତ୍ର ଭାରତର ରାଗ ଲଙ୍କାରୁ ପ୍ରସ୍ତୁତ ଆଳୁ ଚିପ୍ସ ଖାଇବା ପରେ ଅସୁସ୍ଥ ହୋଇପଡିଛନ୍ତି ଏବଂ ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରିବାକୁ କଡିଛି । ଜାପାନର ସ୍ଥାନୀୟ ରିପୋର୍ଟ ଅନୁଯାୟୀ, ଏହି ଚିପ୍ସ ବହୁତ ମସଲାଯୁକ୍ତ ଥିଲା, ଯାହାକୁ ପ୍ରାୟ ୩୦ ଜଣ ଛାତ୍ର ଖାଇଥିଲେ । ରିପୋର୍ଟ ଅନୁଯାୟୀ, ଜୁଲାଇ ୧୬ରେ ଜଣେ ଛାତ୍ର ଭୋତ ଜୋଲାକିଆ ଚିଲିରୁ ପ୍ରସ୍ତୁତ ଚିପ୍ସ ଟୋକିଓରେ ଥିବା ତାଙ୍କ ସ୍କୁଲରେ ଖାଇବା ପାଇଁ ଆଣିଥିଲେ । ଚିପ୍ସ ୩୦ଜଣ ଛାତ୍ର ଖାଇଥିଲେ । ତଥାପି, ଚିପ୍ସ ମଧ୍ୟ ଏକ ଚେତାବନୀ ଦେଇଥିଲା ଯେ ୧୮ବର୍ଷରୁ କମ ବୟସର ଲୋକମାନେ ଏହି ଉତ୍ପାଦ ଖାଇବା ଉଚିତ୍ ନୁହେଁ । ଏହାସତ୍ତ୍ୱେ ଛାତ୍ରମାନେ ଏହାକୁ ଖାଇଥିଲେ ଏବଂ ଅସୁସ୍ଥ ହୋଇ ପଡିଥିଲେ । ଚିପ୍ସ ଖାଇବା ପରେ ଅନେକ ଛାତ୍ର ପାଟିରେ ପୋଡାଜଳା ଏବଂ ଯନ୍ତ୍ରଣା ଅନୁଭବ କରିବା ଆରମ୍ଭ କଲେ । ଏମାନଙ୍କ ଅଭିଯୋଗ ପାଇବା ପରେ ସ୍କୁଲ ପ୍ରଶାସନ ପୋଲିସକୁ ସୂଚନା ଦେଇଥିଲା । ଏହା ପରେ ୧୪ଜଣ ଛାତ୍ରଙ୍କୁ ଡାକ୍ତରଖାନା ନିଆଯାଇଥିଲା ।
ଏଥି ସହିତ, ଚିପ୍ସ ଉତ୍ପାଦନକାରୀ କମ୍ପାନୀ ଇସୋୟାମା କର୍ପ ଏହି ଘଟଣା ପରେ ଏକ ବିବୃତ୍ତିରେ ୧୮ବର୍ଷରୁ ଅଧିକ ବୟସ୍କଙ୍କ ପାଇଁ ଚେତାବନୀକୁ ଦୋହରାଇଛି । ଚିପ୍ସ ଉତ୍ପାଦନକାରୀ କମ୍ପାନୀ କହିଛି, ‘୧୮ ବର୍ଷରୁ କମ ବୟସର ଲୋକମାନେ ଏହି ଉତ୍ପାଦକୁ ଖାଇବା ଠାରୁ ଦୂରେଇ ରହିବା ଉଚିତ କାରଣ ଏହା ଅତ୍ୟନ୍ତ ମସଲାଯୁକ୍ତ । କେବଳ ମସଲାଯୁକ୍ତ ଖାଦ୍ୟ ପସନ୍ଦ କରନ୍ତି ନାହିଁ, ଯେଉଁମାନେ ମସଲାଯୁକ୍ତ ଖାଦ୍ୟ ପସନ୍ଦ କରନ୍ତି ସେମାନେ ମଧ୍ୟ ଏହି ଉତ୍ପାଦରୁ ଦୂରେଇ ରହିବା ଉଚିତ୍ । ଖାଇବା ସମୟରେ ସତର୍କ ରୁହନ୍ତୁ । ଏହି ଘଟଣାରେ ଜଣେ କମ୍ପାନୀ ଅଧିକାରୀ କ୍ଷମା ମାଗି ଛାତ୍ରଛାତ୍ରୀଙ୍କୁ ଶୀଘ୍ର ଆରୋଗ୍ୟ କାମନା କରିଥିଲେ । ସୂଚନାଯୋଗ୍ୟ, ଭୋତ ଜୋଲାୟକିଆ ବିଶ୍ୱର ସବୁଠୁ ରାଗ ଲଙ୍କା ମଧ୍ୟରୁ ଅନ୍ୟତମ । ଏହା ଉତ୍ତର-ପୂର୍ବ ଭାରତୀୟ ରାଜ୍ୟ ଆସାମ, ନାଗାଲାଣ୍ଡ ଏବଂ ମଣିପୁରର ଆଖପାଖ ଅଞ୍ଚଳରେ ଚାଷ କରାଯାଏ । ୨୦୦୭ରୁ ୨୦୧୧ ପର୍ଯ୍ୟନ୍ତ ଭୋତ ଜୋଲକିଆ ବିଶ୍ୱର ସବୁଠାରୁ ରାଗ ଲଙ୍କା ପାଇଁ ଗିନିଜ ୱାଲ?ର୍ଡ ରେକର୍ଡରେ ସ୍ଥାନ ପାଇଥିଲା ।
