ପ୍ରୟାଗରାଜ : ଉତ୍ତର ରପ୍ରଦେଶର ପ୍ରୟାଗରାଜରେ ଚାଲିଥିବା ମହାକୁମ୍ଭ ମେଳାରେ ବୁଧବାର ଲକ୍ଷ ଲକ୍ଷ ଶ୍ରଦ୍ଧାଳୁ ମୌନୀ ଅମାବାସ୍ୟାରେ ସ୍ନାନ କରିବାକୁ ଆସିଥିବା ବେଳେ ସେଠାରେ ଦଳାଚକଟାରେ ୩୦ ଜଣଙ୍କ ମୃତ୍ୟୁ ହୋଇଛି । ଏବଂ ଶତାଧିକ ଲୋକ ଆହତ ହୋଇଥିବା ମଧ୍ୟ ସୂଚନା ମିଳିଛି । ଉଦ୍ଧାର କାର୍ଯ୍ୟ ଜାରି ରହିଥିବା ବେଳେଆହତମାନଙ୍କୁ ଚିକିତ୍ସା ପାଇଁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି ।
କୁମ୍ଭ ଦଳାଚକଟାର ଇତିହାସ :
କେବଳ ୨୦୨୫ରେ କୁମ୍ଭମେଳାରେ ଦଳାଚକଟା ହୋଇନଥିଲା । ଅତୀତରେ ମଧ୍ୟ ଏକାଧିକ ଦଳାଚକଟା ଦେଖିବାକୁ ମିଳିଥିଲା । ୧୯୫୪ ମସିହାରେ ସ୍ୱାଧିନତା ପରେ ପ୍ରଥମ ଥର ପାଇଁ ଆୟୋଜିତ କୁମ୍ଭମେଳା ଭାରତ ପାଇଁ ଐତିହାସିକ ଘଟଣା ଥିଲା । ଫେବୃଆରୀ ୩ ୧୯୫୪ରେ ଆହ୍ଲାବାଦର କୁମ୍ଭମେଳାରେ ମୌନୀ ଅମାବାସ୍ୟାର ପବିତ୍ର ଅବସରରେ ଶାହୀ ସ୍ନାନ କରିବା ପାଇଁ ବହୁ ସଂଖ୍ୟାରେ ଶ୍ରଦ୍ଧାଳୁଙ୍କ ସମାଗମ ହୋଇଥିଲା । ପାଖାପାଖି ୮୦୦ ଲୋକ ଦଳାଚକଟା ଏବଂ ନଦୀରେ ବୁଡି ପ୍ରାଣ ହରାଇଥିଲେ । ୧୯୮୬ରେ ହରିଦ୍ୱାରର କୁମ୍ଭମେଳାରେ ଦଳାଚକଟା ଦେଖିବାକୁ ମିଳିଥିଲା । ଯେଉଁଥିରେ ୨୦୦ ଲୋକଙ୍କ ମୃତ୍ୟୁ ହୋଇଥିଲା । ଭିଡ ଅସମ୍ଭାଳ ହେବା ସହ ଅନିୟନ୍ତ୍ରିତ ହୋଇପଡିଥିଲା । ଫଳରେ ଭୟଙ୍କର ଦଳାଚକଟା ସୃଷ୍ଟି ହୋଇଥିଲା । ୨୦୦୩ରେ ମହାରାଷ୍ଟ୍ରର ନାସିକରେ ହୋଇଥିବା କୁମ୍ଭମେଳା ସମୟରେ ପବିତ୍ର ସ୍ନାନ ପାଇଁ ହଜାର ହଜାର ଶ୍ରଦ୍ଧାଳୁ ଗୋଦାବରୀ ନଦୀରେ ବୁଡ ପକାଇବା ବେଳେ ୩୯ ଜଣଙ୍କ ମୃତ୍ୟୁ ଘଟିଥିବା ବେଳେ ୧୦୦ରୁ ଅଧିକ ଆହତ ହୋଇଛନ୍ତି । ସେହିପରି ୨୦୧୩ ଫେବୃଆରୀ ୧୦ରେ କୁମ୍ଭମେଳା ସମୟରେ ଆହ୍ଲାବାଦ ରେଳଷ୍ଟେସନରେ ଏକ ଫୁଟବ୍ରିଜ ଭୁଷୁଡିବାରୁ ବ୍ୟାପକ ଆତଙ୍କ ସୃଷ୍ଟି ହୋଇଛି । ସେହି ଦୁର୍ଘଟଣାରେ ୪୨ ଜଣଙ୍କର ମୃତ୍ୟୁ ଘଟିଥିବା ବେଳେ ୪୫ ଜଣଙ୍କର ମୃତ୍ୟୁ ହୋଇଛି । ୨୦୨୫ରେ ମହାକୁମ୍ଭରେ ମହାକୁମ୍ଭର ନଦୀକୂଳ ୧୨ କିଲୋମିଟର ଲମ୍ବା ରେଞ୍ଜରେ ସୃଷ୍ଟି ହୋଇଥିବା ସଙ୍ଗମ ଓ ଅନ୍ୟାନ୍ୟ ଘାଟରେ ପ୍ରବଳ ଜନସମାଗମ ମଧ୍ୟରେ ବୁଧବାର ରାତି ପ୍ରାୟ ୨ଟା ସମୟରେ ଦଳାଟକଟା ଛଟିଛି ଏଥିରେ ୩୦ ଜଣଙ୍କ ମୃତ୍ୟୁ ହୋଇଥିବା ବେଳେ ୬୦ରୁ ଅଧିକ ଆହତ ହୋଇଛନ୍ତି । ଜାନୁଆରୀ ୧୩ରୁ ଆରମ୍ଭ ହୋଇଥିବା ମହାକୁମ୍ଭ ଫେବୃଆରୀ ୨୬ ଯାଏଁ ଚାଲିବ । ଏଥିରେ ୪୦ କୋଟି ଲୋକ ଯୋଗଦେବେ ବୋଲି ଆଶା କରାଯାଉଛି ।
କୁମ୍ଭମେଳା ଦଳାଚକଟାରେ ଏଯାଏଁ ୧୧୧୧ ଜଣଙ୍କ ମୃତ୍ୟ
