ସୁବର୍ଣ୍ଣରେଖା ନଦୀରେ  ଭାସିଗଲେ ଦଶମ ଶ୍ରେଣୀ ଛାତ୍ର

ଜଳେଶ୍ୱର : ଜଳେଶ୍ୱର ବ୍ଲକ ଗଡସାହି  ବାଲିଆପାଳ  ପଞ୍ଚାୟତର ୩ ଜଣ  ସାଙ୍ଗ ଗତକାଲି ସୁବର୍ଣ୍ଣରେଖା ନଦୀକୁ ଗାଧୋଇବାକୁ ଯାଇଥିବା ବେଳେ  ସେମାନଙ୍କୁ ମଧ୍ୟରୁ ଜଣେ ସୁବର୍ଣ୍ଣ ରେଖା ନଦୀରେ ଭାସି ଯାଇଥିବା ବେଲେ  ବର୍ତ୍ତମାନ ସୁଦ୍ଧା ତାଙ୍କର କିଛି ଖୋଜ ଖବର ମିଳିନାହିଁ ।  ସୂଚନା ଅନୁସାରେ  ଗଡସାହି ବାଲିଆପାଳ ସୁବର୍ଣ୍ଣରେଖା ନଦୀ ଘାଟକୁ  ସେହି ଗ୍ରାମର  ମନୋରଞ୍ଜନ ଦାସଙ୍କ ପୁଅ  ତଥା ଦଶମ ଶେଣୀର ଛାତ୍ର୍ର  ସାହିଲ (୧୫)  ଗତକାଲି ଦିନ ପ୍ରାୟ ଦେଢଟା ସମୟରେ  କମ୍ବନାଥ ଜେନାଙ୍କ ପୁଅ ଚନ୍ଦନ , ସୁଶାନ୍ତ ମାଝୀଙ୍କ ପୁଅ ଦେବାଶିଷ ଏହି ଦୁଇ ଜଣ ସାଙ୍ଗଙ୍କ ସହ ମିଶି ଗାଧୋଇବାକୁ ଯାଇଥିଲେ । ତେବେ ଗାଧୋଉଥିବା ବେଳେ  ସାହିଲର ଗୋଡ ଖସିଯିବା ସହ  ନଦୀ ସ୍ରୋତରେ ଭାସିଯାଇଥିଲେ । ଅନ୍ୟ ଦୁଇ ସାଙ୍ଗ ତାଙ୍କୁ ଖୋଜାଖୋଜି କରିବା ପରେ ନିରାଶ ହୋଇ ଘରକୁ ଫେରି ଆସିଥିଲେ । ଭୟରେ ଏବିଷୟରେ କାହାକୁ ଜଣାଇନଥିଲେ । ସାହିଲ ଦୀର୍ଘ ସମୟ ଧରି ଘରକୁ ନଫେରିଥିବାରୁ ପରିବାର ଲୋକେ ଏଣତେଣେ  ଖୋଜାଖୋଜି କରିବା ସହ  ସାହିଲର ଦୁଇ ସାଙ୍ଗ ଠାରୁ ସମସ୍ତ ଘଟଣା ପଚାରି ବୁଝିଥିଲେ ।  ନଦୀଘାଟ  ନିକଟରେ  ସାହିଲର ସାଇକେଲ ଜୋତା ଓ ଗଞ୍ଜି ପଡିଥିବା ଦେଖା ଯାଇଥିଲା । ପରିବାର ଲୋକେ ଗ୍ରାମବାସୀ  ଓ ଅଗ୍ନିଶମ ବିଭାଗ ତରଫରୁ ସନ୍ଧ୍ୟା ପର୍ଯ୍ୟନ୍ତ  ସୁବର୍ଣ୍ଣରେଖା ନଦୀର  ଗଡସାହି ବାଲିଆପାଳ ଘାଟ  ନିକଟରେ ଖୋଜାଖୋଜି କରିଥିଲେ ମଧ୍ୟ  କୌଣସି ସୁଫଳ ମିଳିନଥିଲା ବୋଲି  ସ୍ଥାନୀୟ ସରପଞ୍ଚ ଓ ସମିତିସଭ୍ୟା  ପ୍ରକାଶ କରିଛନ୍ତି । ଆଜି ପୁଣି ଉଦ୍ଧାରକାର୍ଯ୍ୟ ଆରମ୍ଭ ହେବ ବୋଲି କୁହାଯାଇଛି ।