ଚାଞ୍ଚଲ୍ୟ: ଯୁବତୀଙ୍କୁ ହାଣିଲେ ଯୁବକ

କଟକ: କଟକ ସହରର ମାଣିକଘୋଶ ବଜ଼ାରରେ ଆଜି ସନ୍ଧ୍ୟାରେ ଏକ ଅଭାବନୀୟ ଘଟଣା ଘଟିଛି । ଜଣେ ଯୁବତୀଙ୍କୁ ମରଣାନ୍ତକ ଆକ୍ରମଣ କରାଯାଇଛି । ଯୁବତୀଙ୍କୁ ଜଣେ ଯୁବକ ଆକ୍ରମଣ କରିଛନ୍ତି । ଯୁବତୀ ଜଣକ ରାସ୍ତାରେ ଛିଡା ହୋଇଥିବାବେଳେ ଜୈନେକ ଯୁବକ ଏକ ଧାରୁଆ ଅସ୍ତ୍ରରେ ହଠାତ ଆକ୍ରମଣ କରି ଦୌଡ଼ି ଚାଲିଯାଇଥିଲେ ।ଗୁରୁତର ଅବସ୍ଥାରେ ଯୁବତୀଙ୍କୁ ପ୍ରଥମେ ସିଟି ହସ୍ପିଟାଲ ଓ ପରେ ଏସସିବି ପଠାଯାଇଛି । ଯୁବତୀଙ୍କ ମୁଣ୍ଡ ଓ ଡାହାଣ ହାତରେ ଗଭୀର ଆଘାତ ଲାଗିଛି । ଏହି ଘଟଣାକୁ ନେଇ ପୁରୀଘାଟ ପୁଲିସ ତଦନ୍ତ ଆରମ୍ଭ କରିଛି । କାହିଁକି ଓ କେଉଁ ପରିସ୍ଥିତିରେ ଏ ଘଟଣା ଘଟିଲା ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ ।