ମେଲବୋର୍ଣ୍ଣ : ମହିଳା ଟି – ୨୦ ବିଶ୍ୱକପ୍ ଗ୍ରୁପ୍ ଏ’ରେ ଭାରତୀୟ କ୍ରିକେଟ୍ ଦଳ ଶନିବାର ନିଜ ଶେଷ ଲିଗ୍ ମ୍ୟାଚ୍ରେ ଶ୍ରୀଲଙ୍କାକୁ ଭେଟିବ। ପୂର୍ବରୁ ଖେଳାଯାଇଥିବା ମ୍ୟାଚ୍ରେ ଗତଥରର ବିଶ୍ୱଚମ୍ପିଆନ୍ ଅଷ୍ଟ୍ରେଲିଆ, ବାଂଲାଦେଶ ଓ ନ୍ୟୁଜିଲାଣ୍ଡକୁ ପରାସ୍ତ କରି ଭାରତୀୟ ଦଳ ସେମିଫାଇନାଲରେ ପ୍ରବେଶ କରିଥିବା ବେଳେ ଶ୍ରୀଲଙ୍କାକୁ ପରାସ୍ତ କରି ଗ୍ରୁପ୍ର ଶୀର୍ଷ ସ୍ଥାନ ହାସଲ କରିବା ଲକ୍ଷ୍ୟରେ ପଡ଼ିଆକୁ ଓହ୍ଲାଇବ।
ବିଶ୍ୱକପରେ ଭାରତୀୟ ଦଳର ବ୍ୟାଟସମ୍ୟାନ୍ମାନେ ଆଶାନୁରୂପ ପ୍ରଦର୍ଶନ କରିବାରେ ବର୍ତ୍ତମାନ ସୁଦ୍ଧା ସକ୍ଷମ ହୋଇ ପାରିନଥିବା କିଛିଟା ସମସ୍ୟା ସୃଷ୍ଟି କରିଛି। ସେଫାଳି ବର୍ମାଙ୍କୁ ଛାଡ଼ି ଦେଲେ ଅନ୍ୟ କୌଣସି ଭାରତୀୟ କ୍ରିକେଟର୍ ଆଖିଦୃଶିଆ ସ୍କୋର କରିପାରି ନାହାନ୍ତି। ତେଣୁ ଶ୍ରୀଲଙ୍କା ବିପକ୍ଷ ମ୍ୟାଚ୍ରେ ନିଜ ବ୍ୟାଟିଂରେ ସୁଧାର ଆଣିବାକୁ ଭାରତୀୟ ଖେଳାଳିଙ୍କ ନିକଟରେ ସୁଯୋଗ ରହିଛି। ବିଶେଷ କରି ଭାରତୀୟ ଦଳର ଅଧିନାୟିକା ହରମନ୍ପ୍ରୀତ କୌର୍, ବେଦା କ୍ରିଷ୍ଣାମୂର୍ତ୍ତି ଓ ସ୍ମୃତି ମାନ୍ଧାନା ପ୍ରମୁଖ ଶ୍ରୀଲଙ୍କା ବିପକ୍ଷ ମ୍ୟାଚ୍ରେ ଅଧିକ ରନ୍ ସ୍କୋର କରି ସେମିଫାଇନାଲ ନିମନ୍ତେ ନିଜକୁ ପ୍ରସ୍ତୁତ କରି ପାରିବେ।
ମହିଳା ଟି – ୨୦ ବିଶ୍ୱକପ୍ : ଭାରତ-ଶ୍ରୀଲଙ୍କା ମୁକାବିଲା ଆଜି
