ଏହି କାରଣ ପାଇଁ ସ୍ୱାମୀଙ୍କ ଦ୍ୱିତୀୟ ପତ୍ନୀଙ୍କୁ ଗୁଳି କରି ହତ୍ୟା କଲେ ମହିଳା, ପଢନ୍ତୁ ପୁରା ଘଟଣା

ନୂଆଦିଲ୍ଲୀ: ଉତ୍ତରପ୍ରଦେଶର ସିଭିଲ ଲାଇନ୍ସ ଅଂଚଳରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ସୋମବାର ରାତିରେ ଜଣେ ମହିଳା ତାଙ୍କ ସ୍ୱାମୀଙ୍କ ଦ୍ୱିତୀୟ ସ୍ତ୍ରୀକୁ ଅତି ନିର୍ମମ ଭାବେ ହତ୍ୟା କରିଛନ୍ତି । ଖବର ପାଇ ପୋଲିସ ଘଟଣାସ୍ଥଳରେ ଅଭିଯୁକ୍ତ ମହିଳା ସବାନାଙ୍କୁ ଗିରଫ କରିଥିବା ସୂଚନା ମିଳିଛି । ପୋଲିସ ଦେଇଥିବା ସୂଚନା ଅନୁସାରେ, ମହଦ ଜାକିର ନାମକ ଜଣେ ବ୍ୟକ୍ତିଙ୍କର ପ୍ରଥମ ସ୍ତ୍ରୀ ସବାନା ହେଉଛନ୍ତି ଜଣେ ଟ୍ରାନ୍ସପୋର୍ଟର । କିଛି ବର୍ଷ ପୂର୍ବରୁ ଜାକିର ଆଲିଆ ନାମକ ଜଣେ ମହିଲାଙ୍କୁ ଦ୍ୱିତୀୟ ବିବାହ କରିଥିଲେ । ଏବଂ ସେ ସାତ ମାସର ଗର୍ଭବତୀ ମଧ୍ୟ ଥିଲେ । ତାଙ୍କ ସଂପର୍କୀୟ କହିଛନ୍ତି ସବାନା ଓ ଆଲିଆଙ୍କ ମଧ୍ୟରେ ଅନେକ ସମୟରେ ଫୋନ ମାଧ୍ୟମରେ ଯୁକ୍ତିତର୍କ ହୁଏ । ଝଗଡା ମଧ୍ୟ ହୁଏ । ଏହା ବିଷୟରେ ଜାକିର ଅବଗତ ଥିଲେ । ଏହାକୁ ନେଇ ଚିନ୍ତାରେ ବି ଥିଲେ । ଏହି ହତ୍ୟା ଘଟଣା ଘଟିବା ପରେ ଜାକିର ନିଖୋଜ ଥିବା ବରିଷ୍ଠ ପୋଲିସ ଅଧିକାରୀ ଅମିତ୍ ପାଠକ୍ କହିଛନ୍ତି । ଘଟଣାସ୍ଥଳରୁ ପୋଲିସ ସବାନାକୁ ଗିରଫ କରିଥିବା ବେଳେ ୯ ଏମଏମ ପିସ୍ତଲ ମଧ୍ୟ ଜବତ କରିଛି । ଆଲିଆଙ୍କ ଭାଣେଜୀ ମୁସ୍କାନ କହିଛନ୍ତି ସେମାନେ ମେଡିସିନ କିଣିବା ପରେ ଚାଲି ଚାଲି ଆସୁଥିଲେ । ସେହି ସମୟରେ ପଛପଟୁ ସବାନା ଆସି ଆଲିଆଙ୍କୁ ଠେଲି ଦେଇଥିଲା । ଫଳରେ ସେ ତଳେ ପଡିଯାଇଥିଲେ । ଆଉ ପରେ ତାଙ୍କ ଉପରକୁ ୪ ରାଉଣ୍ଡ ଗୁଳି ଚଲାଇ ଥିଲା । ପରେ ସେଠାରୁ ଫେରାର ନହୋଇ ବନ୍ଧୁକ ସହିତ ଛିଡା ହୋଇଥିଲା । ଲୋକ ଗହଳି ହେବା ପରେ ବି ସେ ଖସି ଯିବାକୁ କୌଣସି ପ୍ରକାର ଉଦ୍ୟମ କରିନଥିଲା ବୋଲି ସୂଚନା ମିଳିଛି ।