ଅଣ୍ଡା ତରକାରୀ ରାନ୍ଧିବାକୁ ମନା କଲେ ପତ୍ନୀ, ପୁଅ ସହ ବାପା ଯାହା କଲା ପଢିଲେ ଚକିତ ହୋଇଯିବେ

ନୂଆଦିଲ୍ଲୀ: ନଗଲା ଗାଁରେ ଗତ ଶନିବାର ଏକ ଅଭାବନୀୟ ଘଟଣା ଘଟିଯାଇଛି । ଜଣେ ମଦ୍ୟପ ବାପା ନିଶାସକ୍ତ ଅବସ୍ଥାରେ ଯାହା କରିଛି, ଯେ କେହି ବି ପଢିବ ସେ ଆଶ୍ଚର୍ଯ୍ୟ ହୋଇ ରହିଯିବ । ତେବେ ଘଟଣା ମୁତାବକ, ସୁବାଶିଶ ବନଜାରା ନାମକ ଜଣେ ବ୍ୟକ୍ତି ଶନିବାର ବିଳମ୍ବିତ ରାତିରେ ଘରକୁ ଫେରିବା ପରେ ନିଜ ସ୍ତ୍ରୀକୁ ଅଣ୍ଡା ତରକାରୀ ରାନ୍ଧିବା ପାଇଁ କହିଥିଲେ । ମାତ୍ର ତାଙ୍କ ସ୍ତ୍ରୀ ଅଣ୍ଡା ରାନ୍ଧିବାକୁ ମନା କରିଦେଇଥିଲେ । ମନା କରିବା ପରେ ରାଗି ଯାଇ ସୁବାଶିଷ ତାଙ୍କ ସ୍ତ୍ରୀକୁ ମାରିଥିଲେ । ସେତିକିରେ ମନ ଶାନ୍ତ ହେଇନଥିଲା ଯେ, ରାଗ ସୁଝାଇବା ପାଇଁ ନିଜ ୩ ବର୍ଷର ପୁଅକୁ ବି ଆକ୍ରମଣ କରିଥିଲେ । ଯାହା ଫଳରେ ତାଙ୍କ ପୁଅ ଗଭୀର ଭାବରେ ଆହତ ହୋଇଯାଇଥିଲେ । ପରେ ତାକୁ ତୁରନ୍ତ ସ୍ଥାନୀୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ହେଲେ ରବିବାର ଦିନ ତାର ମୃତ୍ୟୁ ହୋଇଥିଲା । ଏହି ଘଟଣା ପରେ ଅଭିଯୁକ୍ତ ସୁବାଶିଷ ନାମରେ ପୋଲିସ ମାମଲା ରୁଜୁ କରିଥିବା ଜଣେ ବରିଷ୍ଠ ପୋଲିସ ଅଧିକାରୀ ସୂଚନା ପ୍ରଦାନ କରିଛନ୍ତି ।