ନୂଆଦିଲ୍ଲୀ: ପଶ୍ଚିମବଙ୍ଗ ରାଜ୍ୟପାଳ ଜଗଦୀପ ଧନଖଡ ଶନିବାର ନିଜ ରାଜ୍ୟକୁ ଫେରିବା ପୂର୍ବରୁ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ସହିତ ସାକ୍ଷାତ କରିଛନ୍ତି । ଏହା ପୂର୍ବରୁ ଗୁରୁବାର ବି ରାଜ୍ୟପାଳ ଧନଖଡ ଅମିତ ଶାହାଙ୍କ ସହିତ ସାକ୍ଷାତ କରିଥିଲେ । କୁହାଯାଉଛି ଯେ, ଦୁଇ ନେତାଙ୍କ ମଧ୍ୟରେ ବର୍ତମାନର ସ୍ଥିତି ଓ କାନୁନ ବ୍ୟବସ୍ଥା ଉପରେ ଚର୍ଚ୍ଚା ହୋଇଥିଲା । ରାଜ୍ୟପାଳ ଧନଖଡ ଗୃହମନ୍ତ୍ରୀ ଙ୍କୁ ବିଗିଡିଥିବା କାନୁନ ବ୍ୟବସ୍ଥାର ସ୍ଥିତି ବିଷୟରେ ତଥ୍ୟ ଦେଇଥିଲେ । ଧନଖଡ ଗୁରୁବାର ସକାଳେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ସହିତ ସାକ୍ଷାତ କରିଥିଲେ । ପଶ୍ଚିମବଙ୍ଗରେ ବିଗିଡିଥିବା ଆଇନ ବ୍ୟବସ୍ଥାକୁ ନେଇ ଧନଖଡ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସହିତ ସାମ୍ନା କରିଛନ୍ତି । ତେବେ ସେ ମେ ୨ ରେ ନିର୍ବାଚନ ଫଳାଫଳ ଘୋଷଣା ହେବା ପରେ ହିଂସା ପ୍ରଭାବିତ ରାଜ୍ୟ ଗସ୍ତ କରିଥିଲେ ଏବଂ ଲୋକଙ୍କ ସହ ଆଲୋଚନା କରିଥିଲେ ।