34.1 C
Bhubaneswar
Friday, March 29, 2024
Homeଓଡିଶାକରୋନା ସହ ଲଢ଼ିବା ପାଇଁ କମ୍ ଖାଆନ୍ତୁ ଲୁଣ

କରୋନା ସହ ଲଢ଼ିବା ପାଇଁ କମ୍ ଖାଆନ୍ତୁ ଲୁଣ

ଭୁବନେଶ୍ୱର : ପୂରା ବିଶ୍ବ କରୋନା ଭାଇରସ୍ ସହ ଲଢ଼ିବା ନିମନ୍ତେ ପାରୁପର୍ଯ୍ୟନ୍ତ ଚେଷ୍ଟା ଚଳାଇଛି। ବିଶେଷଜ୍ଞଙ୍କ ମତରେ ଏଇ ରୋଗରୁ ବର୍ତ୍ତିବାକୁ ଚାହୁଁଥିଲେ, ନିଜ ଶରୀରର ରୋଗପ୍ରତିରୋଧକ ଶକ୍ତି ବଢ଼ାଇବା ନିମନ୍ତେ ଖାଦ୍ୟପାନୀୟ ଖାଇବା ଜରୁରୀ। ସେସବୁର ତାଲିକା ପ୍ରସ୍ତୁତ କଲାବେଳେ ଧ୍ୟାନରେ ରଖନ୍ତୁ ଯେପରି ଆବଶ୍ୟକ ପରିମାଣ ଠାରୁ କମ୍ ଲୁଣ ଖାଇବେ। ଲଣ୍ଡନ ଗବେଷକଙ୍କ ମତରେ ଲୁଣ କେବଳ ଉଚ୍ଚରକ୍ତଚାପ ପାଇଁ କ୍ଷତିକାରକ ନୁହେଁ, ବରଂ ଏହା କାରଣରୁ ଶରୀରର ରୋଗପ୍ରତିରୋଧକ ଶକ୍ତି ମଧ୍ୟ କମ୍ ହୋଇଥାଏ। ମୂଷାଙ୍କ ଉପରେ ଏହି ପ୍ରୟୋଗ ହେବା ପରେ ଗବେଷକ ମୁଖ୍ୟ ତଥ୍ୟଟି ସ୍ପଷ୍ଟ କରିଛନ୍ତି। ଅଧିକ ଲୁଣ ଖାଉଥିବା ମୂଷାଙ୍କଠାରେ ସଂକ୍ରମଣଜନିତ ରୋଗ ବଢ଼ୁଥିବାର ଦେଖାଯାଇଥିଲା। ବିଶେଷଜ୍ଞଙ୍କ ମତରେ ୭୦ ବର୍ଷ ଅତିକ୍ରାନ୍ତ ପରେ ଉଭୟ ପୁରୁଷ ଓ ମହିଳା ଲୁଣ ଖାଇବାରେ ନିୟନ୍ତ୍ରଣ କରିବା ଉଚିତ। ଅତିବେଶୀରେ ଦୈନିକ ୫ଗ୍ରାମ୍ ଲୁଣ ଖାଇବା ସେମାନଙ୍କ ସ୍ବାସ୍ଥ୍ୟ ପାଇଁ ହିତକାରୀ। ମଧ୍ୟମ ବୟସର ପୁରୁଷ ୧୦ ଗ୍ରାମ୍ ଲୁଣ ଓ ମହିଳାମାନେ ୮ ଗ୍ରାମ୍ ଲୁଣ ଖାଇପାରିବେ ବୋଲି ବିଶେଷଜ୍ଞ ପ୍ରକାଶ କରିଛନ୍ତି। ଲୁଣ ଆବଶ୍ୟକତାଠାରୁ ଅଧିକ ପରିମାଣରେ ଖାଇଲେ ଶରୀରର କୋଶିକାଗୁଡ଼ିକ ଭାଇରସ୍ ସହ ଲଢ଼ିପାରିନଥାନ୍ତି।। ଖାଦ୍ୟରେ ଲୁଣ ପରିମାଣ କମ୍ ନ ହେଲେ, ହୃଦ୍‌ରୋଗ ସହ ମସ୍ତିଷ୍କଜନିତ ରୋଗ ହେବାର ଆଶଙ୍କା ବଢ଼େ।

5,005FansLike
2,475FollowersFollow
12,700SubscribersSubscribe

Most Popular

HOT NEWS

Breaking