ରାଜଘାଟରେ ବୃକ୍ଷରୋପଣ କଲେ ଟ୍ରମ୍ପ ଦମ୍ପତି

ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତ ଗସ୍ତର ଦ୍ବିତୀୟ ଦିନରେ ମଙ୍ଗଳବାର ରାଜଘାଟରେ ପହଞ୍ଚି ଗାନ୍ଧିଜୀଙ୍କୁ ଶ୍ରଦ୍ଧାଞ୍ଜଳି ଦେବା ପରେ ଟ୍ରମ୍ପ ଦମ୍ପତି ଏକ ବୃକ୍ଷରୋପଣ କରିଛନ୍ତି। ସେହି ବୃକ୍ଷର ନାମ ହେଉଛି ମଲବାର ଚେଷ୍ଟପଟ୍ । ଏହା ଏକ ପ୍ରକାର ବାଦାମ ଜାତୀୟ ବୃକ୍ଷ। ବିଶ୍ବର ଅନ୍ୟ ରାଷ୍ଟ୍ରପତିଙ୍କ ଦ୍ବାରା ରାଜଘାଟରେ ଲାଗାଯାଇଥିବା ବୃକ୍ଷର ରକ୍ଷଣାବେକ୍ଷଣ ପାଇଁ ଯେଉଁ ବିଶେଷ କର୍ମଚାରୀଙ୍କୁ ନିୟୋଜିତ କରାଯାଇଛି, ସେମାନେ ଏହି ବୃକ୍ଷର ଦେଖାଶୁଣା କରିବେ। ରାଜଘାଟରେ କୌଣସି ପ୍ରକାର ନିର୍ମାଣ କାର୍ଯ୍ୟ ଓ ରକ୍ଷଣାବେକ୍ଷଣ ପାଇଁ ଏହି କମିଟି ସିପିଡବ୍ଲ୍ୟୁ ଉପରେ ନିର୍ଭର କରେ। ଏହାର ୩ଟି ବିଭାଗ ରହିଥାଏ। ସେଗୁଡିକ ହେଲା ଉଦ୍ୟାନ କୃଷି ବିଭାଗ, ବିଦ୍ୟୁତ୍ ବିଭାଗ ଏବଂ ସିଭିଲ ଡିଭିଜନ୍। ରାଜଘାଟର ସୌନ୍ଦର୍ଯ୍ୟ ବୃଦ୍ଧି ପାଇଁ କୌଣସି ପ୍ରକାର ବୃକ୍ଷ ଲଗାଇବାକୁ ହେଲେ ତାହା ଉଦ୍ୟାନ କୃଷି ବିଭାଗ ଦ୍ବାରା ଲଗାଯାଏ। ସେହିପରି ବିଜୁଳୀ ସମ୍ବନ୍ଧୀୟ କାର୍ଯ୍ୟ ହେଲେ ବିଦ୍ୟୁତ୍ ବିଭାଗ ଏବଂ ନିର୍ମାଣ ସମ୍ବନ୍ଧୀୟ କାର୍ଯ୍ୟ ହେଲେ ସିଭିଲ ଡିଭିଜନ୍ ଦ୍ବାରା କରାଯାଏ। ଠିକାରେ ରହିଥିବା ଶ୍ରମିକ ବୃକ୍ଷର ରକ୍ଷଣାବେକ୍ଷଣ କାର୍ଯ୍ୟ କରିଥାନ୍ତି ।
https://onakhabar.com/2020/02/25/donald-trump-in-delhi-narendra-modi-bilateral-talks-defense-deal/