ଭୁବନେଶ୍ୱର: ନନ୍ଦନକାନନ ଥାନା ନଣ୍ଡା ହତ୍ୟା ଘଟଣାର ପର୍ଦ୍ଦାଫାଶ । ଘଟଣାରେ ତଦନ୍ତ କରି କଟକ ମଙ୍ଗୁଳି ଅଞ୍ଚଳରୁ ଦୁଇ ଅଭିଯୁକ୍ତଙ୍କୁ ଗିରଫ କରିଛି ନନ୍ଦନକାନନ ପୋଲିସ । ତ୍ରିକୋଣୀୟ ପ୍ରେମକୁ ନେଇ ହତ୍ୟା ହୋଇଥିବା ସୂଚନା ।
ଖବର ଅନୁଯାୟୀ, ନନ୍ଦନକାନନ ଥାନା ଅଞ୍ଚଳରେ ନଣ୍ଡା, କାଳିଆ ଓ ପାନ ସିଂ ଜରି ଗୋଟାଳି ଭାବରେ କାମ କରି ଚଳନ୍ତି। ୩ ଜଣ ବନ୍ଧୁଙ୍କ ମଧ୍ୟ ସମ୍ପର୍କ ଠିକ୍ ଠାକ ଚାଲିଥିଲା ବେଳେ ବନ୍ଧୁତାରେ କଣ୍ଟା ସାଜିଲା ପ୍ରେମିକ। ପ୍ରେମିକା ସହ ଯୌନ ସମ୍ପର୍କକୁ ନେଇ ବନ୍ଧୁତାରେ ପଡିଲା ରକ୍ତ ଛିଟା।
ଗତ ୨୫ ତାରିଖରେ ବାରଙ୍ଗ ଷ୍ଟେସନ୍ ନିକଟରେ ଏକ ଅର୍ଦ୍ଧ ନିର୍ମିତ ଘରେ ମହିଳାଙ୍କ ସହିତ ଶାରୀରକ ସମ୍ପର୍କରୁ ନେଇ ହୋଇଥିଲା ବଚସା। ତିନି ବନ୍ଧୁଙ୍କ ଝଗଡ଼ାରେ ବଳିପଡିଗଲା ନଣ୍ଡା ମୁଣ୍ଡ । କାଳିଆ ଓ ପାନ ସିଂ ପଥରରେ ଛେଚି ଛେଚି ହତ୍ୟା କରିଥିଲେ।
ନଣ୍ଡାର ମୁଣ୍ଡ ଓ ମୁହଁରେ ଗଭୀର ଆଘାତ ଲାଗିବା ମୃତ୍ୟୁ ହୋଇଥିବା ଜଣାପଡିଛି । ପୋଲିସ ମୃତଦେହ ବ୍ୟବଚ୍ଛେଦ ପରେ ହତ୍ୟା କରାଯାଇଥିବା ଜାଣିବାକୁ ପାଇଥିଲା । ପରେ ଏହି ଘଟଣାର ତଦନ୍ତ କରି କଟକ ମଙ୍ଗୁଳି ଅଞ୍ଚଳରୁ ଦୁଇ ଅଭିଯୁକ୍ତଙ୍କୁ ଗିରଫ କରାଯାଇଛି।
