ଭୁବନେଶ୍ୱର: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଦ୍ୱିତୀୟ ଦିନରେ ୧୩,୩୫୬ ପ୍ରାର୍ଥୀ ନିଜର ମନୋନୟନ ପତ୍ର ଦାଖଲ କରିଛନ୍ତି । ପ୍ରଥମ ଦିନକୁ ମିଶାଇ ମୋଟ ୨୨,୧୨୮ ପାର୍ଥୀ ନାମାଙ୍କନ ପତ୍ର ଦାଖଲ ଦାଖଲ କରିଛନ୍ତି । ମଙ୍ଗଳବାର ରାଜ୍ୟ ନିର୍ବାଚନ ଆୟୋଗଙ୍କ କାର୍ଯ୍ୟାଳୟ ସୂତ୍ରରୁ ଜଣାପଡିଛି ଯେ ପ୍ରଥମ ଦିନରେ ୭୧୧୬ ୱାର୍ଡ ମେମ୍ବର, ୧୧୨୨ ସରପଞ୍ଚ, ୫୧୨ ପଞ୍ଚାୟତ ସମିତି ସଭ୍ୟ ଓ ୨୨ ଜିଲ୍ଲା ପରିଷଦ ସଭ୍ୟ ମନୋନୟନ ପତ୍ର ଦାଖଲ କରିଥିଲେ । ଅର୍ଥାତ ପ୍ରଥମ ଦିନରେ ମୋଟ ୮,୭୭୨ ପାର୍ଥୀ ନାମାଙ୍କନ ଭରିଥିଲେ । ସେହିପରି ଦ୍ୱିତୀୟ ଦିନରେ ୧୦,୭୩୪ ୱାର୍ଡ ମେମ୍ବର, ୧୫୪୬ ସରପଞ୍ଚ, ୧୦୩୪ ପଞ୍ଚାୟତ ସମିତି ସଭ୍ୟ ଓ ୪୨ ଜିଲ୍ଲା ପରିଷଦ ସଭ୍ୟ ମନୋନୟନ ପତ୍ର ଦାଖଲ କରିଛନ୍ତି ।