ଆଜି ରାଜଧାନୀରେ ମୁଖ୍ୟମନ୍ତ୍ରୀଙ୍କ ମାରାଥନ କାର୍ଯ୍ୟକ୍ରମ

ଭୁବନେଶ୍ୱର : ଆଜି ମୁଖ୍ୟମନ୍ତ୍ରୀଙ୍କ ମାରାଥନ କାର୍ଯ୍ୟକ୍ରମ । ଭୁବନେଶ୍ୱରର ବିଭିନ୍ନ ସ୍ଥାନରେ ଉଦଘାଟନ କାର୍ଯ୍ୟକ୍ରମମାନ ରହିଛି । ସନ୍ଧ୍ୟାରେ ଏଜି ଛକ ନିକଟରେ ୧୧୦ ଓଏସ୍‌ଆର୍‌ଟିସିର ନୂଆ ଯାତ୍ରୀବାହି ବସ ଚଳାଚଳର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଭୁବନେଶ୍ୱରରୁ ବିଭିନ୍ନ ସ୍ଥାନକୁ ଏହି ନୂଆ ବସ ଯାତାୟତ କରିବ । ଏହାପରେ ରମାଦେବୀ ବିଶ୍ୱବିଦ୍ୟାଳୟ ନିକଟରେ ନିର୍ମାଣ ହୋଇଥିବା ନିମନ୍ତ୍ରଣ ରେଷ୍ଟୁରାଣ୍ଟକୁ ଲୋକାର୍ପଣ କରିବା କାର୍ଯ୍ୟକ୍ରମ ରହିଛି । ନିମନ୍ତ୍ରଣ ରେଷ୍ଟୁରାଣ୍ଟ ଓଟିଡିସି ଦ୍ୱାରା ନିର୍ମାଣ କରାଯାଇଛି । ଏହାପରେ ପଟିଆରେ ହୋଇଥିବା ସିଆର୍‌ୟୁଟି ବସ ଡିପୋକୁ ଉଦଘାଟନ କରିବେ ମୁଖ୍ୟମନ୍ତ୍ରୀ । ସେହିଭଳି ପୋଖରୀପୁଟରେ ଏସ୍‌ଆଇଇପି ନୂତନ ବିଲଡିଂକୁ ଉଦଘାଟନ କରିବେ ।