ନୂଆଦିଲ୍ଲୀ : ବଡ ପାଟିରେ ପାଟି କରି ପଢ଼ାଇବା ମହଙ୍ଗା ପଡିଲା ଅଧ୍ୟାପିକାଙ୍କୁ । ଚାଲିଗଲା ଚାକିରି, କୋର୍ଟରେ ପହଁଚିଲେ ଅଧ୍ୟାପିକା । ଅନେକଥର ଏମିତି ଘଟିଛି କୌଣସି ଶିକ୍ଷାନୁଷ୍ଠାନରୁ ଶିକ୍ଷକ କିମ୍ବା ଅଧ୍ୟକ୍ଷଙ୍କୁ ବାହାର କରିବା ପରେ ସେ ଅଦାଲତର ଆଶ୍ରୟ ନେଇଥାନ୍ତି ଏବଂ ନିଷ୍ପତ୍ତି ତାଙ୍କ ପକ୍ଷରେ ଶୁଣାଯାଇଥାଏ । ଏପରି ଏକ ଘଟଣା ବ୍ରିଟେନରୁ ସାମ୍ନାକୁ ଆସିଛି । ଯେଉଁଠି ବ୍ରିଟେନର ଏକ ବିଶ୍ୱବିଦ୍ୟାଳୟର ଅଧ୍ୟାପିକା ବଡ଼ ପାଟିରେ ପଢ଼ାଉଥିବାରୁ ତାଙ୍କୁ ଚାକିରିରୁ କାଢ଼ି ଦିଆଯାଇଛି । ଏହାପରେ ସେ ଅଦାଲତରେ ପହଞ୍ଚିଛନ୍ତି । ଏହି ଘଟଣା ବ୍ରିଟେନର ଏକ୍ସଟର ବିଶ୍ୱବିଦ୍ୟାଳୟରେ ଘଟିଛି । ଅଧ୍ୟାପିକାଙ୍କ ନାମ ଏନେଟ ପ୍ଲଟ । ୫୯ ବର୍ଷିୟା ଏହି ଅଧ୍ୟାପିକା ଗତ ୨୯ ବର୍ଷରୁ ପଦାର୍ଥ ବିଜ୍ଞାନ ପଢ଼ାଇ ଆସୁଛନ୍ତି । କିନ୍ତୁ ହଠାତ ତାଙ୍କୁ ଚାକିରିରୁ କାଢ଼ି ଦିଆଗଲାଏବଂ କାରଣ ଦିଆଗଲା ଯେ ତାଙ୍କ ସ୍ୱର ବହୁତ କର୍କଶ ଓ ନୂଆ ଛାତ୍ରଛାତ୍ରୀଙ୍କୁ ସେ ପସନ୍ଦ ଆସୁନାହିଁନ୍ତି । କିନ୍ତୁ କଥା ଯେତେବେଳେ ଅଦାଲତରେ ପହଞ୍ଚିଲା ସେତେବେଳେ ଘଟଣାଟି ନୂଆ ମୋଡ଼ ନେଇଥିଲା । ଅଦାଲତରେ ବିଶ୍ୱବିଦ୍ୟାଳୟ ପ୍ରଶାସନ କହିଛନ୍ତି ଅଧ୍ୟାପିକାଙ୍କୁ ତାଙ୍କ କର୍କଶ ସ୍ୱର ଯୋଗୁ ନୁହେଁ ବରଂ ଦୁଇଜଣ ପିଏଚଡି ଛାତ୍ରଙ୍କ ସହିତ ଖରାପ ବ୍ୟବହାର କରିଥିବାରୁ ଚାକିରିରୁ ବହିଷ୍କାର କରାଯାଇଛି । ଅନ୍ୟପଟେ ଅଦାଲତରେ ଅଧ୍ୟାପିକା ନିଜ ପକ୍ଷ ରଖି କହିଥଲେ ତାଙ୍କ ସ୍ୱର ପ୍ରଥମରୁ ସେହିଭଳି ଲାଉଡ । ଅଧ୍ୟାପିକା ଜଣଙ୍କ ନ୍ୟୁୟର୍କ, ଜର୍ମାନୀରେ ମଧ୍ୟ ପଢ଼ାଇ ସାରିଛନ୍ତି, କେବେବି ତାଙ୍କ ବିରୋଧରେ ଏଭଳି ଅଭିଯୋଗ ଆସିନାହିଁ । ଅଧ୍ୟାପିକା କହିଛନ୍ତି ମାନସିକ ଚାପରୁ ମୁକୁଳିବା ପାଇଁ ସେ ଔଷଧ ଖାଉଛନ୍ତି । କାରଣ ପୂର୍ବରୁ ତାଙ୍କୁ ଦୁଇଥର ଚାକିରିରୁ ନିଲମ୍ବିତ କରାଯାଇଥିଲା । ଏହାକୁ ନେଇ ସେ ମାନସିକ ବିଷାଦରେ ଅଛନ୍ତି । ସେଥିପାଇଁ ସେ ଯେଉଁ ପରିସ୍ଥିତିରେ ଏହି ଚାକିରି ପୁର୍ନବାର ପାଇବାକୁ ଚାହୁଁଛନ୍ତି । ଉଭୟଙ୍କ ପକ୍ଷଙ୍କ ଯୁକ୍ତି ଶୁଣିବା ପରେ କୋର୍ଟ ଏହି ରାୟ ଶୁଣାଇଛନ୍ତି ଯେ ୟୁନିଭର୍ସିଟି ଅଧ୍ୟାପିକାଙ୍କୁ କ୍ଷତିପୂରଣ ଦେବ । କ୍ଷତିପୂରଣ ବାବଦକୁ ୧ କୋଟି ଟଙ୍କା ଦେବାକୁ କୋର୍ଟ ବିଶ୍ୱବିଦ୍ୟାଳୟକୁ ନିର୍ଦ୍ଦେଶ ଦେଇଛନ୍ତି । ଏହି ଘଟଣାକୁ ନେଇ ଅଧ୍ୟାପିକା ଜଣକ ବ୍ରିଟେନରେ ଚର୍ଚ୍ଚାର ବିଷୟ ପାଲଟିଛନ୍ତି ।