26.1 C
Bhubaneswar
Thursday, October 6, 2022
Homeଦେଶ ବିଦେଶ‘ରୁଟି, କାମ ଏବଂ ସ୍ୱାଧୀନତା’ ଦାବିରେ ଆଫଗାନିସ୍ତାନରେ ମହିଳାଙ୍କ ବିକ୍ଷୋଭ ପ୍ରଦର୍ଶନ

‘ରୁଟି, କାମ ଏବଂ ସ୍ୱାଧୀନତା’ ଦାବିରେ ଆଫଗାନିସ୍ତାନରେ ମହିଳାଙ୍କ ବିକ୍ଷୋଭ ପ୍ରଦର୍ଶନ

ନୂଆଦିଲ୍ଲୀ: ଆଫଗାନିସ୍ତାନକୁ ତାଲିବାନ ନିଜ ଅଧୀନକୁ ନେବାର ଏକ ବର୍ଷ ହୋଇଗଲାଣି । ରାଜଧାନୀ କାବୁଲରେ ପ୍ରଥମେ ମହିଳାମାନେ ନିଜ ଅଧିକାର ପାଇଁ ରାଲି କରିଥିବା ବେଳେ ଏବେ ପୁନର୍ବାର କରିଛନ୍ତି । ଏହି ବିରୋଧ ପ୍ରଦର୍ଶନକୁ କଭର କରିବାକୁ ଆସିଥିବା କିଛି ସମ୍ବାଦିକଙ୍କୁ ତାଲିବାନ ସୈନ୍ୟ ମାନେ ମାଡ ମାରିଛନ୍ତି । କ୍ଷମତାକୁ ଫେରିବାର ପ୍ରଥମ ବାର୍ଷିକୀ ପୂର୍ବରୁ କାବୁଲରେ ଏକ ବିରଳ ମହିଳା ସମାବେଶ କରାଯାଇଥିଲା । ଗତ ବର୍ଷ ଅଗଷ୍ଟ ୧୫ ରେ କ୍ଷମତା ଦଖଲ କରିବା ପରଠାରୁ ଆଫଗାନିସ୍ତାନରେ ଆମେରିକା ଦ୍ବାରା ହସ୍ତକ୍ଷେପ ସମୟରେ ଦୁଇ ଦଶନ୍ଧି ମଧ୍ୟରେ ମହିଳାମାନଙ୍କୁ ଦିଆଯାଇଥିବା ସାମାନ୍ୟ ଅଧିକାରକୁ ଛଡ଼ାଇ ନେଇଛି ତାଲିବାନ ।
ଖବର ଅନୁଯାୟୀ, ପ୍ରାୟ ୪୦ ଜଣ ମହିଳା କାବୁଲରେ ଶିକ୍ଷା ମନ୍ତ୍ରଣାଳୟ ଭବନ ସମ୍ମୁଖରେ ପ୍ରଦର୍ଶନ କରିଛନ୍ତି । ଏଥିରେ ‘ରୋଟି, କାମ ଏବଂ ସ୍ବାଧୀନତା ପାଇଁ ସ୍ଲୋଗାନ ଦେଇଥିଲେ । ଏହା ପରେ ତାଲିବାନ ସୈନ୍ୟ ମାନେ ବାୟୁରେ ଫାଙ୍କା ଗୁଳି ଚଳାଇ ସେମାନଙ୍କୁ ହଟାଇଥିଲେ । ନିକଟସ୍ଥ ଦୋକାନରେ ଲୁଚି ରହିଥିବା କିଛି ମହିଳା ବିକ୍ଷୋଭକାରୀଙ୍କୁ ତାଲିବାନ ସଂଗ୍ରାମୀମାନେ ଗୋଡ଼ାଇ ଗୋଡ଼ାଇ ସେମାନଙ୍କ ରାଇଫଲରେ ମାଡ ମାରିଥିଲେ । ବିକ୍ଷୋଭକାରୀମାନେ ଏକ ବ୍ୟାନର ଧରିଥିଲେ। ଯେଉଁଥିରେ ଲେଖାଥିଲା ଯେ ୧୫ ଅଗଷ୍ଟ ଏକ କଳା ଦିନ । ପ୍ରଦର୍ଶନରେ ମହିଳାମାନେ କାର୍ଯ୍ୟ କରିବାର ଅଧିକାର ଏବଂ ରାଜନୈତିକ ଅଂଶଗ୍ରହଣ ପାଇଁ ଦାବି କରିଥିଲେ । ବିକ୍ଷୋଭକାରୀ ମାନେ ଛିନ୍ନଛତ୍ର ହେବା ପୂର୍ବରୁ ନ୍ୟାୟ, ନ୍ୟାୟ ସ୍ଲୋଗାନ ଦେଇଥିଲେ ।

LEAVE A REPLY

Please enter your comment!
Please enter your name here

5,005FansLike
2,475FollowersFollow
12,700SubscribersSubscribe

Most Popular

HOT NEWS

Breaking