କାନପୁର: ପରକୀୟା ପ୍ରୀତିର କରୁଣ ପରିସ୍ଥିିତି ଆପଣ ଅଧିକାଂଶ ସମୟରେ ଦେଖିବାକୁ ପାଇଥିବେ । ଏହି ପ୍ରୀତି ଯଦି ନିଜ ଘର ଭିତରେ ଘଟେ ତ ପରିସ୍ଥିତି ଆହୁରି ଭୟଙ୍କର ହୋଇଥାଏ । କାନପୁରର ଜଣେ ବ୍ୟକ୍ତି ନିଜ ପତ୍ନୀଙ୍କର ତାଙ୍କ ଭାଇ ସହ ପ୍ରେମ ସଂପର୍କ ଅଛି ବୋଲି ସନ୍ଦେହ କରି ଭାଇର ହତ୍ୟା କରିଥିବା ଅଭିଯୋଗ ହୋଇଛି । ଅଭିଯୁକ୍ତ ଜଣକ ହେଉଛନ୍ତି ଧନଞ୍ଜୟ । ସେ ଭାଇର ହତ୍ୟା କରିବା ପରେ କେଉଁ ଆଡ଼େ ଫେରାର ହୋଇ ଯାଇଥିବା ବେଳେ ପୁଲିସ୍ ତାଙ୍କୁ ଗିରଫ କରିଛି । ପୁଲିସ୍ ଜେରା ସମୟରେ ସେ ସ୍ୱୀକାର କରିଛନ୍ତି ଯେ ତାଙ୍କ ଭାଇ ଶିବ୍ ବାହାଦୂରଙ୍କର ତାଙ୍କ ପତ୍ନୀଙ୍କ ସହ ଅନୈତିକ ସଂପର୍କ ଥିଲା । ସେହି କାରଣରୁ ସେ ଭାଇକୁ ହତ୍ୟା କରିବାକୁ ଏକ ସୁଯୋଗ ଖୋଜୁଥିଲେ ।
ସେପ୍ଟେମ୍ବର ୧୦ ତାରିଖରେ ତାଙ୍କ ଭାଇ ଶୋଇଥିବା ବେଳେ ସେ ଏକ ଠେଙ୍ଗା ନେଇ ଭାଇ ନିକଟକୁ ଯାଇଥିଲେ । ଭାଇ ନିଦରେ ଥିବା ବେଳେ ସେ ଠେଙ୍ଗାରେ ବାଡ଼େଇ ବାଡ଼େଇ ଭାଇର ହତ୍ୟା କରିଥିଲେ । ସେ ଭାଇର ହତ୍ୟା କରିବା ପରେ ନିଜର ରକ୍ତ ଜର୍ଜରିତ ପୋଷାକକୁ ବଦଳାଇବା ପରେ ବାଇକ୍ ଚଳାଇ କେଉଁ ଆଡ଼େ ପଳାଇ ଯାଇଥିଲେ । ତାଙ୍କୁ ପୁଲିସ ବହୁ ଖୋଜା ଖୋଜି କରିବା ପରେ ରୱାତପୁର ପୁଲିସ ଷ୍ଟେସନ ଅଞ୍ଚଳରୁ ଗିରଫ କରିଛି । ଅଭିଯୁକ୍ତ ଚଳିତବର୍ଷ ଏପ୍ରିଲ୍ ୧୮ ତାରିଖରେ ବିବାହ କରିଥିଲେ ବୋଲି ସୂଚନା ରହିଛି ।
