ହାଥ୍ରସ୍ ରେ ଗଣ ଦୁଷ୍କର୍ମ ଓ ହତ୍ୟା ମାମଲା: ରାହୁଲ ଗାନ୍ଧୀଙ୍କୁ ପୋଲିସ ଦ୍ୱାରା ଅପମାନ ଓ ଠେଲାପେଲା ପ୍ରତିବାଦରେ ଛାତ୍ର କଂଗ୍ରେସର ବିକ୍ଷୋଭ

ବଲାଙ୍ଗିର, (ଦେବାଶିଷ ମିଶ୍ର) :ଉତ୍ତର ପ୍ରଦେଶର ହଥ୍ରସ୍ ଠାରେ ଗଣ ଦୁଷ୍କର୍ମ ଓ ହତ୍ୟା ମାମଲାର ପିଡିତା ପରିବାରଙ୍କୁ ସମବେଦନା ଜଣାଇବା ପାଇଁ କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧୀ ପିଡିତା ପରିବାରଙ୍କ ପାଖକୁ ଯାଉଥିଲେ । ବହୁ ପୁର୍ବରୁ ତାଙ୍କ ଗାଡି ରୋକି ଦିଆଯୀବାରୁ ସେ ପଦଯାତ୍ରା କରି ହାଥରସ୍ ଗରାମକୁ ଯିବା ପାଇ ସ୍ଥିର କରିଥୀଲେ । ତେବେ ସେ ପଦ ଯାତ୍ରା କରି ଉକ୍ତ ଗ୍ରାମ କୁ ଯିବା ସମୟରେ ଉତ୍ତର ପ୍ରଦେଶ ପୋଲିସ ଦ୍ୱାରା ବେଆଇନ ଭାବରେ ରାହୁଲ ଗାନ୍ଧୀଙ୍କୁ ବଳ ପ୍ରୟୋଗ କରି ବାଟରେ ଅଟକାଇ ଦିଆଯାଇଥିଲା । ପୋଲିସ ଦଳୀତ ମହିଳା ଉପରେ ହୋଇଥୀବା ବର୍ବର କାଣ୍ଡକୁ ଚାପି ଦେବା ଉଦ୍ୟମରେ ନିର୍ମମ ଭାବରେ ବଳ ପ୍ରୟୋଗ କରି ରାହୁଲ ଗାନ୍ଧୀଙ୍କୁ ଠେଲା ପେଲା କରିବା ସହ ଏକ ଅପ୍ରତିକର ପରିସି୍ଥତି ସୃଷ୍ଟି କରିଥିଲା । ଏହାର ପ୍ରତିବାଦରେ ଆଜି ବଲାଙ୍ଗିର ଜିଲ୍ଲା ଛାତ୍ର କଂଗ୍ରେସ ତରଫରୁ ଏହି ଘଟଣାର ତିବ୍ର ନିନ୍ଦା କରିବା ସହ ଏହା ତଦନ୍ତ କରି ପୋଲିସ ବିରୁଦ୍ଧରେ କାର୍ଯ୍ୟାନୁଷ୍ଠାନ ପାଇଁ ବିକ୍ଷୋଭ ପ୍ରଦର୍ଶନ କରାଯାଇଛି ।
ଛାତ୍ରନେତା ଅଙ୍କିତ ସାହୁ ଉତ୍ତର ପ୍ରଦେଶ ସରକାର ଦ୍ୱାରା ପରି·ଳିତ ପୋଲିସ ଜାଣିଶୁଣି ଗଣଦୁଷ୍କର୍ମ ପିଡିତାଙ୍କ ପରିବାର ଲୋକଙ୍କ ପାଖକୁ ଯେପରି ରାହୁଲ ଗାନ୍ଧୀ ଯେପରି ନ ପହଞ୍ଚି ପାରିବେ ସେ ଷଡଯନ୍ତ୍ରରେ ସାମିଲ ଅଛି ବୋଲି ଅଭିଯୋଗ କରି ଏହାର ଏକ ନ୍ୟାୟିକ ତଦନ୍ତ କରାଯାଉ ବୋଲି ଦାବି କରିବା ସହ ପ୍ରଧାନମନ୍ତ୍ରୀ ମୋଦୀ ଓ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗ୍ୟ ଆଦିତ୍ୟନାଥଙ୍କ ଫଟୋଚିତ୍ର ଦାହ କରିଥିଲେ । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ରୋଶନ ମିଶ୍ର, ସୁମିତ ପଟ୍ଟନାୟକ, ନିରଞ୍ଜନ ମିଶ୍ର, ଶଙ୍କର ବିଶି, ଟୁଲୁ ସେନ, ଲମଣି ନାଏକ, ଅମିୟ କୁମାର ବଗର୍ତ୍ତି, ଶୁଭେନ୍ଦୁ ସାହୁ, ସନତ ପ୍ରଧାନ, ମହେନ୍ଦ୍ର ବାରିକ, ରସିକ ପାଲିତ, ଶୁଭଙ୍କର ବାଗ ଏବଂ ସାହିଦ ଖାନ ପ୍ରମୁଖ ସାମିଲ ଥିଲେ ।

LEAVE A REPLY

Please enter your comment!
Please enter your name here