ରାଉରକେଲା: ଦକ୍ଷିଣ ରାଉରକେଲା ଅନ୍ତର୍ଗତ ସାରନଗରୀ ଅଂଚଳରେ ଜଣେ ଇଂଜିନିୟରିଂ
କଲେଜ ଛାତ୍ର ଆତ୍ମହତ୍ୟା କରିଥିବା ଖବର ମିଳିଛି । ମିଳିଥିବା ସୂଚନା ଅନୁଯାୟୀ,
ସେକ୍ଟର-୨୨(ସାରନଗରୀ) କ୍ୱାଟର ନଂ- ବି/୪୫୧ରେ ବାସ କରୁଥିବା ବି-ଟେକର ଛାତ୍ର
ଶ୍ୟାମସୁନ୍ଦର ଓରାମ(୨୪) ଘରେ ଆତ୍ମହତ୍ୟା କରିଥିବା ଜଣାପଡ଼ିଛି । ଘରେ ପରିବାର ଲୋକ
ରାତିରେ ଶୟନ କରିଥିବା ବେଳେ, ବିଳମ୍ବିତ ରାତ୍ରୀରେ ଶ୍ୟାମସୁନ୍ଦର ଘରେ ଥିବା ଫ୍ୟାନ
ନିକଟ ପାଇପରେ ବେକରେ ଫାଶୀ ଲଗାଇ ଆତ୍ମହତ୍ୟା ଉଦ୍ୟମ କରିଥିଲେ । ପରଦିନ ସକାଳେ
ପରିବାର ଲୋକେ ଶ୍ୟାମସୁନ୍ଦରଙ୍କୁ ପାଇପରେ ଝୁଲିବା ଅବସ୍ଥାରେ ଦେଖିବା ପରେ ସ୍ଥାନୀୟ
ଟାଙ୍ଗରପାଲୀ ଥାନାକୁ ଘଟଣା ସମ୍ପର୍କରେ ସୂଚନା ଦେବା ପରେ ପୁଲିସ ଘଟଣାସ୍ଥଳରେ ପହଂଚି
ଶ୍ୟାମସୁନ୍ଦରଙ୍କ ଶବକୁ ଉଦ୍ଧାର କରିବା ସହ ଏ ସମ୍ପର୍କରେ ଏକ ଅପମୃତ୍ୟୁ ମାମଲା ରୁଜୁ
କରିଛି । ଶ୍ୟାମ ସୁନ୍ଦର କେଉଁ କାରଣରୁ ଆତ୍ମହତ୍ୟା କଲେ, ଏହାର ନିର୍ଦ୍ଦିଷ୍ଟ କାରଣ
ଜଣାପଡ଼ିନଥିବା ବେଳେ ପୁଲିସ ତଦନ୍ତ ଜାରି ରହିଛି ।