କେରଳ : ଜଣେ 18 ବର୍ଷ ବୟସ୍କା ବାଳିକା , ଯେତେବେଳେ ସେ ନାବାଳିକା ଥିଲା ସେତେବେଳେ ଆଠ ଜଣଙ୍କ ଦ୍ୱାରା ଯୌନ ନିର୍ଯାତନାର ଶିକାର ହୋଇଥିବା ଅଭିଯୋଗ ହୋଇଛି। ସେ କେରଳ ମାଲାପୁରମ୍ ଜିଲ୍ଲାର ଥେନିପପାଲମ୍ ଅଞ୍ଚଳରେ ନିଜ ଘରେ ଏବେ ଆତ୍ମହତ୍ୟା କରିଥିବା କୁହାଯାଇଛି । ଯେତେବେଳେ ସେ ଜୀବନ ଶେଷ କଲା ସେତେବେଳେ ଝିଅର ମା’ କିଛି କାମ ପାଇଁ ବାହାରକୁ ଯାଇଥିଲେ | ମାଆ ଫେରିବା ପରେ କୋଠରୀ ଭିତରେ ଝିଅର ମୃତଦେହକୁ ପାଇଥିଲେ।
ଖବର ଅନୁଯାୟୀ ପୀଡିତାଙ୍କ ମା’ କାମରୁ ଘରକୁ ଫେରିବା ପରେ ବାରମ୍ବାର କବାଟ ବାଡେଇବାରୁ ତାଙ୍କ ଝିଅ କବାଟ ଖୋଲି ନଥିଲେ। ମା’ ମଧ୍ୟ ଝିଅ ଫୋନକୁ ଫୋନ କରିଥିଲେ, କିନ୍ତୁ କୌଣସି ପ୍ରତିକ୍ରିୟା ମିଳି ନଥିଲା।
ପରେ, ତାଙ୍କ ମା ଏକ ଛୋଟ ଝରକା ଦେଇ କୋଠରୀ ଭିତରକୁ ଦେଖିବାରୁ ଝିଅ କୋଠରୀରେ ଚେତାଶୂନ୍ୟ ହୋଇ ପଡିଥିବା ଦେଖିଲେ | ନାବାଳିକାକୁ ପରିବାର ଲୋକେ ଡାକ୍ତରଖାନା ନେଇ ଭର୍ତ୍ତି କରିଥିଲେ, ଯେଉଁଠାରେ ଜଣାପଡିଲା ସେ ଆତ୍ମହତ୍ୟା କରିଥିଲେ। 2017 ରୁ 2020 ମଧ୍ୟରେ ଝିଅଟି ବାରମ୍ବାର ବିଭିନ୍ନ ବ୍ୟକ୍ତିଙ୍କ ଦ୍ୱାରା ଯୌନ ଶୋଷଣର ଶିକାର ହୋଇଥିଲା |
ପୀଡିତାଙ୍କ ମା ଅଭିଯୋଗ କରିଛନ୍ତି ଯେ ପୋଲିସ ନ୍ୟାୟ ଦେବା ବଦଳରେ ଅଭିଯୁକ୍ତଙ୍କ ସହ ମିଶି ବିବୃତ୍ତି ବଦଳାଇବାକୁ ସେମାନଙ୍କୁ ବାଧ୍ୟ କରିଥିଲା ।
ଏହି ଘଟଣାରେ ପୋଲିସ୍ ଅପମୃତ୍ୟୁ ମାମଲା ରୁଜୁ କରିଛି। ଏକ ରିପୋର୍ଟ ଅନୁଯାୟୀ,ଯୌନ ନିର୍ଯାତନା ଦେଇଥିବା ଅଭିଯୁକ୍ତମାନେ ମୃତକଙ୍କ ନିକଟ ସମ୍ପର୍କୀୟ ଅଟନ୍ତି। ପୀଡିତା ଜଣକ ତାଙ୍କ ମା ଏବଂ ଭାଇଙ୍କ ସହ ଭଡା ଘରେ ରହୁଥିଲେ।
ମାର୍ଚ୍ଚ 2021 ରେ, ଫେରେକ ପୋଲିସ ଷ୍ଟେସନରେ ପାଞ୍ଚଟି ଏବଂ କଣ୍ଡୋଟି ପୋଲିସ ଷ୍ଟେସନରେ ଗୋଟିଏ ମାମଲା ଝିଅଙ୍କ ଉପରେ ଯୌନ ନିର୍ଯାତନା ନେଇ ପୋସ୍କୋ ଆଇନରେ ପଞ୍ଜିକୃତ ହୋଇଥିଲା।
କୋଜିକୋଡେ ଚାଇଲ୍ଡଲାଇନ୍ ଅଧିକାରୀମାନେ ଝିଅଙ୍କ ସହ କଥା ହେବ ପରେ ଯୌନ ଶୋଷଣ ମାମଲା ସାମ୍ନାକୁ ଆସିଥିଲା। ଫେରେକ ପୋଲିସ କହିଛି ଯେ ଏହି ମାମଲାର ଆଠଜଣ ଅପରାଧୀଙ୍କ ମଧ୍ୟରୁ 7 ଜଣଙ୍କୁ ଗିରଫ କରାଯାଇଛି।
ଝିଅଟି ନାବାଳିକା ଥିବାବେଳେ (15 ବର୍ଷ) ବିଭିନ୍ନ ସ୍ଥାନରେ ପଡୋଶୀମାନେ ତାଙ୍କୁ ବଳାତ୍କାର କରିଥିଲେ। ଅଭିଯୁକ୍ତମାନେ ଶକ୍ତିଶାଳୀ ଏବଂ ପ୍ରଭାବଶାଳୀ ବ୍ୟକ୍ତି ହୋଇଥିବାରୁ ସେମାନେ ଜାମିନ ପାଇବାରେ ସଫଳ ହୋଇଥିଲେ। ପୀଡିତାଙ୍କୁ ଶିଶୁ କଲ୍ୟାଣ କମିଟି (ସିଡବ୍ଲ୍ୟୁଡିସି) ଦ୍ୱାରା ତିନିଥର ପରାମର୍ଶ ଦିଆଯାଇଥିଲା ଏବଂ ତାଙ୍କୁ ଘରକୁ ପଠାଯାଇଥିଲା।
