କଟକ: କରୋନା ସଙ୍କଟ ମଧ୍ୟରେ ବିଜେପିର ଜଣେ ବରିଷ୍ଠ ନେତା ଅଶୋକ ସାହୁଙ୍କ ପରଲୋକ ଘଟିଛି । କଟକ ସିଡିଏ ସ୍ଥିତ ବାସଭବନରେ ଅଶୋକ ସାହୁଙ୍କ ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ ୭୦ ବର୍ଷ ହୋଇଥିଲା । ତେବେ ବିଜେପି ନେତା ଅଶୋକ ସାହୁ ଗତ କିଛି ଦିନ ହେବ ଅସୁସ୍ଥ ଥିବାରୁ ଚିକିତ୍ସିତ ହେଉଥିଲେ ।
ସେ ଜଣେ ଅବସରପ୍ରାପ୍ତ ଆଇପିଏସ୍ ଅଫିସର ଥିଲେ । ଆସାମର ଅତିରିକ୍ତ ପୋଲିସ୍ ଡିଜି ପଦବୀରୁ ସ୍ୱେଚ୍ଛାକୃତ ଭାବେ ଅବସରନେଇ ରାଜନୀତିରେ ପାଦ ଥାପିଥିଲେ । ତେବେ ଏବେ ତାଙ୍କର ଅସୁସ୍ଥତା ପାଇଁ ପରଲୋକ ଘଟିଛି ବୋଲି ତାଙ୍କ ପରିବାର ପକ୍ଷରୁ ସୂଚନା ଦିଆଯାଇଛି ।