ଭୁବନେଶ୍ୱର: ବାରଙ୍ଗରୁ ନିଖୋଜ ୨ ନାବାଳକଙ୍କୁ ଟିଟଲାଗଡ଼ରୁ ଉଦ୍ଧାର କରି ଫେରୁଥିବା ବେଳେ ନୟାଗଡ଼ର ବାଣିଗୋଛା ନିକଟରେ ଦୁର୍ଘଟଣାଗ୍ରସ୍ତ ହେଲା ପୋଲିସ ଗାଡ଼ି । ଅନ୍ୟ ଏକ କାର ସହ ଚନ୍ଦକା ପୋଲିସର ଫର୍ଚୁନର କାର ଧକ୍କା ହୋଇଛି । ଫଳରେ ଅନ୍ୟ ଏକ ଗାଡ଼ିରେ ଭୁବନେଶ୍ୱର ଅସିଛନ୍ତି ପୋଲିସ କର୍ମୀ । ହେଲେ ଏହି ଦୁର୍ଘଟଣାରେ ସାମାନ୍ୟ ହୋଇଛନ୍ତି ପୋଲିସ କର୍ମଚାରୀ । ଗତକାଲି ଭୁବନେଶ୍ୱରରୁ ନିଖୋଜ ହୋଇଥିବା ଦୁଇ ନାବାଳକ ଛାତ୍ର ଟିଟିଲାଗଡରୁ ଠାବ ହୋଇଥିଲେ । ଏହି ଦୁଇ ଛାତ୍ର ରାଜଧାନୀର ମର୍ଣ୍ଣିଂ ଗ୍ଲୋରି ଇଂଲିଶ ମିଡିୟମ ସ୍କୁଲର । ଛାତ୍ର ନିଖୋଜ ହୋଇଥିବା ନେଇ ତାଙ୍କ ପରିବାର ଲୋକେ ଏତଲା ଦେଇଥିଲେ । ଚନ୍ଦକା ପୋଲିସର ଟିମ୍ ଟିଟିଲାଗଡ ଯାଇ ପିଲାଙ୍କୁ ଉଦ୍ଧାର କରି ଫେରୁଥିବା ବେଳେ ତାଙ୍କ ଗାଡ଼ି ଦୁର୍ଘଟଣଶଗ୍ରସ୍ତ ହୋଇଥିଲା ।
ଦଶମ ଶ୍ରେଣୀର ଦୁଇ ଛାତ୍ର ପୃଥ୍ୱୀରାଜ ପ୍ରଧାନ ଓ ସୋନୁ କୁମାର ସ୍କୁଲ ଯାଇ ଆଉ ଘରକୁ ଫେରିନଥିଲେ । ରାତି ହୋଇଯାଇଥିଲେ ବି ଘରକୁ ଫେରିନଥିଲେ । ଏହାପରେ ପିଲା ଘରକୁ ନଫେରିବାରୁ ବ୍ୟସ୍ତ ହୋଇ ଘର ଲୋକ ଖୋଜି ଖୋଜି କରିଥିଲେ । କିନ୍ତୁ କୌଣସି ଖୋଜ ଖବର ମିଳିନଥିଲା । ଏହା ପରେ ଦୁଇ ନାବାଳକଙ୍କ ପରିବାର ଲୋକେ ଚନ୍ଦକା ଥାନାର ଦ୍ୱାରସ୍ତ ହୋଇଥିଲେ ।
ଫେରୁଥିଲେ ନିଖୋଜ ଛାତ୍ର, ପିଟିହେଲା ଗାଡି : ଟିଟିଲାଗଡରୁ ଉଦ୍ଧାର କରି ଫେରିବା ବେଳେ ଦୁର୍ଘଟଣାଗ୍ରସ୍ତ
