ନୂଆଦିଲ୍ଲୀ: ବନ୍ଦ ହୋଇଯାଇଥିବା ଏୟାର୍ଲାଇନ୍ ଗୋ ଫାର୍ଷ୍ଟର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) କୌଶିକ୍ ଖୋନା ଗୁରୁବାର ପଦରୁ ଇସ୍ତଫା ଦେଇଛନ୍ତି । ଏୟାର୍ଲାଇନ୍ ବିରୋଧରେ ଦେବାଳିଆ କାର୍ଯ୍ୟାନୁଷ୍ଠାନ ପାଇଁ ମାମଲା ଦାଏର ହେବାର ପ୍ରାୟ ସାତମାସ ପରେ କୌଶିକ୍ ପଦରୁ ଓହରିଛନ୍ତି ।
କମ୍ପାନୀର କର୍ମଚାରୀଙ୍କ ଉଦ୍ଦେଶ୍ୟରେ ପଠାଇଥିବା ଏକ ଇ-ମେଲ୍ରେ ସେ କହିଛନ୍ତି, ନଭେମ୍ବର ୩୦ ତାରିଖ କମ୍ପାନୀରେ ତାଙ୍କର ଅନ୍ତିମ ଦିନ । ଖୋନା ୨୦୨୦ ଅଗଷ୍ଟରେ ସିଇଓ ଭାବେ ଗୋ ଫାର୍ଷ୍ଟକୁ ପ୍ରତ୍ୟାବର୍ତ୍ତନ କରିଥିଲେ । ଏହା ପୂର୍ବରୁ ୨୦୦୮ରୁ ୨୦୧୧ ପର୍ଯ୍ୟନ୍ତ ଏହି ଏୟାରଲାଇନ୍ କମ୍ପାନୀ ସହିତ ଥିଲେ । ସଚ୍ଚୋଟତାର ସହ କାର୍ଯ୍ୟ କରିଥିବାରୁ ସେ କର୍ମଚାରୀଙ୍କ ପ୍ରଶଂସା କରିଛନ୍ତି ।
