୧୪ ଦଫା ଦାବି ନେଇ ବିକ୍ଷୋଭ ପ୍ରଦର୍ଶନ

ଗୁଣୁପୁର : ୧୪ ଦଫା ଦାବି ପୂରଣ ନେଇ ଆଜି ସିପିଆଇ ଏମଏଲ ଲିବରେସନ ଓ ବିଭିନ୍ନ କୃଷକ ସଙ୍ଗଠନ ପକ୍ଷରୁ ଗୁଣୁପୁର ଠାରେ ବିକ୍ଷୋଭ ଓ ରାସ୍ତାରୋକ କରାଯାଇଥିଲା । ସ୍ଥାନୀୟ ନୂଆ ବସଷ୍ଟାଣ୍ଡ ଠାରୁ ଏକ ଶୋଭାଯାତ୍ରା ବାହାରି ବାଇପାସ ଛକ ଠାରେ ବିକ୍ଷୋଭ ପ୍ରଦର୍ଶନ କରି ରାସ୍ତାରୋକ କରିଥିଲେ । ପରେ ପୋଲିସ ପହଞ୍ଚି ଦଳୀୟ କର୍ମୀଙ୍କୁ ରାସ୍ତାରୋକ ରୁ ଉଠାଇ ଥିଲେ । କୃଷି ଋଣ ଛାଡ, କୃଷି ଆଧ୍ୟାଦେଶ କୁ ବାତିଲ କରିବା, ପ୍ରାକୃତିକ ବିପର୍ଯ୍ୟୟ ରେ ଚାଷୀଙ୍କୁ ଆର୍ଥିକ ସହାୟତା ପ୍ରଦାନ, ନରେଗା କାର୍ଯ୍ୟରେ ଦୁଇ ଶହ ଦିନ କାର୍ଯ୍ୟ ଯୋଗାଇ ଦେବା, ଆଦିବାସୀ ଙ୍କୁ ଜଙ୍ଗଲ ଜମି ଜଳ ଅଧିକାର ପ୍ରଦାନ ଭଳି ୧୪ ଟି ଦାବୀ ନେଇ ଦଳୀୟ ନେତା ତିରୁପତି ଗମାଙ୍ଗ ଙ୍କ ନେତୃତ୍ୱରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।