27.1 C
Bhubaneswar
Friday, March 29, 2024
Homeଓଡିଶାଉତ୍କଳ ବିଶ୍ବବିଦ୍ୟାଳୟ ବିଗତ ୭୫ ବର୍ଷ ମଧ୍ୟରେ ଶିକ୍ଷାର ମନ୍ଦିର ପାଲଟିଛି : ରାଷ୍ଟ୍ରପତି ରାମନାଥ...

ଉତ୍କଳ ବିଶ୍ବବିଦ୍ୟାଳୟ ବିଗତ ୭୫ ବର୍ଷ ମଧ୍ୟରେ ଶିକ୍ଷାର ମନ୍ଦିର ପାଲଟିଛି : ରାଷ୍ଟ୍ରପତି ରାମନାଥ କୋବିନ୍ଦ

ଭୁବନେଶ୍ବର: ଖୋର୍ଦ୍ଧା ଜିଲ୍ଲା ବରୁଣେଇରେ ଭାରତର ରାଷ୍ଟ୍ରପତି ରାମନାଥ କୋବିନ୍ଦ ପାଇକ ବିଦ୍ରୋହ ସ୍ମାରକୀର ଶିଳାନ୍ୟାସ କାର‌୍ୟ୍ୟକ୍ରମ ସାରି ବାଣୀବିହାରରେ ରାଷ୍ଟ୍ରପତି । ଭୁବନେଶ୍ୱର ଉତ୍କଳ ବିଶ୍ୱବିଦ୍ୟାଳୟର ପ୍ଲାଟିନମ୍ ଜୁବୁଲି ସମାରୋହରେ ସ୍ୱତନ୍ତ୍ର ସ୍ମାରଣୀକା ଉନ୍ମୋଚିତ । ରୁଷା ଭବନର ଭିତ୍ତିପ୍ରସ୍ତର ସ୍ଥାପନ କଲେ ରାଷ୍ଟ୍ରପତି ରାମନାଥ କୋବିନ୍ଦ । ଏହାସହ ଉତ୍କଳ ବିଶ୍ୱବିଦ୍ୟାଳୟର ସୋଭେନିୟର ଲୋକାର୍ପିତ କରିଛନ୍ତି ରାଷ୍ଟ୍ରପତି ।
ଉତ୍କଳ ବିଶ୍ବବିଦ୍ୟାଳୟର ପ୍ଲାଟିନମ ଜୁବିଲି ଉତ୍ସବରେ ଯୋଗ ଦେଇ ରାଷ୍ଟ୍ରପତି କହିଛନ୍ତି ଯେ, ଏହି ବିଶ୍ବବିଦ୍ୟାଳୟ ବିଗତ ୭୫ ବର୍ଷ ମଧ୍ୟରେ ଶିକ୍ଷାର ମନ୍ଦିର ପାଲଟିଛି । ଏହାର ବହୁ ଛାତ୍ରଛାତ୍ରୀ ଭାରତକୁ ଗୌରବାନ୍ବିତ କରିଛନ୍ତି । ଦେଶରେ ଉଚ୍ଚ ଶିକ୍ଷା କ୍ଷେତ୍ରରେ ଉତ୍କଳ ବିଶ୍ୱବିଦ୍ୟାଳୟ ପ୍ରମୁଖ ସ୍ଥାନ ନେବ ଏବଂ ଆଗାମୀ ୫ ରୁ ୭ ବର୍ଷ ଭିତରେ ଏହି ସ୍ଥାନ ଦେଶର ପ୍ରମୁଖ ଶିକ୍ଷା କ୍ଷେତ୍ର ହେବ ।
ଏହି ଅବସରରେ ରାଷ୍ଟ୍ରପତି ରାମନାଥ କୋବିନ୍ଦ ଉତ୍କଳ ବିଶ୍ବବିଦ୍ୟାଳୟ ପରିସରରେ ଋଷା ଭବନର ଭିତ୍ତିପ୍ରସ୍ତର ସ୍ଥାପନ କରିଛନ୍ତି । ରାଷ୍ଟ୍ରପତି ଏହି ଅବସରରେ ଏକ ସ୍ମରଣିକା ମଧ୍ୟ ଉନ୍ମୋଚନ କରିଛନ୍ତି । ବିଶ୍ବବିଦ୍ୟାଳୟ କୁଳପତି ପ୍ରଫେସର୍ ସୌମେନ୍ଦ୍ର ମୋହନ ପଟ୍ଟନାୟକ ଉଦବୋଧନ ଦେଇ କହିଥିଲେ ଯେ, ଉତ୍କଳ ବିଶ୍ବବିଦ୍ୟାଳୟ ହେଉଛି ମଣିଷ ତିଆରି କାରଖାନା ।
ଏହି କାର୍ଯ୍ୟକ୍ରମ ପରେ ରାଷ୍ଟ୍ରପତି ରାମନାଥ କୋବିନ୍ଦ ରାଜଭବନକୁ ଫେରି କିଛି ସମୟ ବିଶ୍ରାମ ନେବା ପରେ ସଂଧ୍ୟା ପ୍ରାୟ ୫ଟା ୨୦ରେ ଦିଲ୍ଲୀ ଫେରିଯିବାର କାର୍ଯ୍ୟକ୍ରମ ରହିଛି।
ଏହି କାର୍ଯ୍ୟକ୍ରମରେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ଧର୍ମପତ୍ନୀ ସବିତା କୋବିନ୍ଦ, ରାଜ୍ୟପାଳ ପ୍ରଫେସର ଗଣେଶୀ ଲାଲ, ଓଡ଼ଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ରାଜ୍ୟ ଉଚ୍ଚଶିକ୍ଷା ମନ୍ତ୍ରୀ ଡ଼ ଅରୁଣ ସାହୁ ପ୍ରମୁଖ ଉପସ୍ଥିତ ଥିଲେ।
https://onakhabar.com/2019/12/08/president-speech/

5,005FansLike
2,475FollowersFollow
12,700SubscribersSubscribe

Most Popular

HOT NEWS

Breaking