ନୂଆଦିଲ୍ଲୀ: ଭିଡିଓ କନଫରେନ୍ସିଂରେ ଯୁବ ଆଇପିଏସ ଅଫିସରଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁମନ୍ତ୍ର ପ୍ରଦାନ କରିଛନ୍ତି । ହାଇଦ୍ରାବାଦ ସର୍ଦ୍ଦାର ବଲ୍ଲଭ ଭାଇ ପଟେଲ ପୋଲିସ ଏକାଡେମୀରେ ସେ ମନ୍ତବ୍ୟ ଦେଇଛନ୍ତି । କରୋନା ବେଳେ ଡ୍ୟୁଟି କରି ପୋଲିସ ଲୋକଙ୍କ ସମ୍ମାନ ସାଉଁଟିଛି । ଖାକିର ଦମ୍ ଦେଖାଇବା ଅପେକ୍ଷା, ଖାକିର କର୍ତ୍ତବ୍ୟ କରି ଗର୍ବ କର । ପ୍ରତ୍ୟହ ଯୋଗ ଓ ପ୍ରାଣାୟମ କରି ଚାପ କମାଅ, କାମରେ ସଫଳତା ମିଳିବ । କୌଣସି କାମ ହୃଦୟ ଭିତରୁ କଲେ, ତାହା ସଫଳ ହେବା ସୁନିଶ୍ଚିତ । କର୍ତ୍ତବ୍ୟନିଷ୍ଠ ହୋଇ ଲୋକଙ୍କ ହୃଦୟ ଜିତିବାକୁ ଯୁବ ଆଇପିଏସଙ୍କୁ ପରାମର୍ଶ ଦିଆଯାଇଛି ।