ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ରାତି ୮ଟାରେ ରାଷ୍ଟ୍ରକୁ ଉଦବୋଧନ ଦେବେ। ଏହି ଅବସରରେ କୋଭିଡ୍-୧୯କୁ ନେଇ ଉପୁଜିଥିବା ସମସ୍ୟା ଓ ଏହାର ସମାଧାନ ଦିଗରେ ପ୍ରୟାସ ଉପରେ ସେ ଆଲୋଚନା କରିବେ।ବୁଧବାର ସନ୍ଧ୍ୟାରେ ଏକ ଉଚ୍ଚସ୍ତରୀୟ ବୈଠକରେ ଅଧ୍ୟକ୍ଷତା କରି କୋଭିଡ୍-୧୯ର ନିୟନ୍ତ୍ରଣ ପାଇଁ ଜାରି ଥିବା ପ୍ରୟାସର ସମୀକ୍ଷା କରିଛନ୍ତି। ଅଧିକ ଯାଞ୍ଚ ସୁବିଧା ଯୋଗାଇବା ସହିତ ଭାରତର ପ୍ରସ୍ତୁତିକୁ ଆହୁରି ସୁଦୃଢ଼ କରିବା ଉପରେ ବୈଠକରେ ଗୁରୁତ୍ୱାରୋପ କରାଯାଇଛି। କୋଭିଡ୍-୧୯ ବିପତ୍ତିର ମୁକାବିଲା ପାଇଁ ବ୍ୟକ୍ତିମାନଙ୍କଠାରୁ ଆରମ୍ଭ କରି ସ୍ଥାନୀୟ ଗୋଷ୍ଠୀ ଓ ସଂସ୍ଥାଗୁଡ଼ିକର ସହଯୋଗରେ ଅଧିକ ସକ୍ରିୟ ଭାବେ କାର୍ଯ୍ୟ କରିବା ଉପରେ ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଛନ୍ତି। ଏହି ରୋଗର ମୁକାବିଲା ପାଇଁ ପରବର୍ତ୍ତୀ ପଦକ୍ଷେପ କ’ଣ ହେବ ସେ ସମ୍ପର୍କରେ ଏବେଠାରୁ ଚିନ୍ତା କରିବା ପାଇଁ ସେ ଅଧିକାରୀ ଓ ବିଶେଷଜ୍ଞମାନଙ୍କୁ ପରାମର୍ଶ ଦେଇଛନ୍ତି। ବିଭିନ୍ନ ରାଜ୍ୟସରକାର, ସ୍ୱାସ୍ଥ୍ୟ ସେବା ସମୁଦାୟ, ସ୍ୱାସ୍ଥ୍ୟ କର୍ମଚାରୀ, ସେନା ଓ ଅର୍ଦ୍ଧସାମରିକ ବାହିନୀ, ବିମାନ ଚଳାଚଳ କ୍ଷେତ୍ର ସହିତ ସମ୍ପୃକ୍ତ ବ୍ୟକ୍ତି, ପୌର କର୍ମଚାରୀଙ୍କ ସମେତ କୋଭିଡ୍-୧୯ର ମୁକାବିଲା ଦିଗରେ ଅଗ୍ରଣୀ ଭୂମିକା ଗ୍ରହଣ କରିଥିବା ଅନ୍ୟ ସମସ୍ତଙ୍କୁ ପ୍ରଧାନମନ୍ତ୍ରୀ ମୋଦୀ ସାଧୁବାଦ ଜଣାଇଛନ୍ତି।
https://onakhabar.com/2020/03/19/shree-jagannath-temple-fund-in-yes-bank/
ଆଜି ରାଷ୍ଟ୍ରକୁ ଉଦବୋଧନ ଦେବେ ପ୍ରଧାନମନ୍ତ୍ରୀ
