ପାତ୍ରପୁର: ଜରଡା ଥାନା ଖମ୍ବାରିଗା ପଞ୍ଚାୟତ ଅନ୍ତର୍ଗତ ବାବନପୁର ଗ୍ରାମର ଜଣେ ଯୁବକଙ୍କୁ ସଂଘବଦ୍ଧ ଆକ୍ରମଣ ହୋଇଥିବା ବେଳେ ଜଣେ ଗୁରୁତର ହୋଇଥିବା ଜଣାପଡିଛି । ଏହି ଘଟଣାରେ ଜରଡ଼ା ଥାନା ପୋଲିସ ୩ ଜଣକୁ ବୁଧବାର କୋର୍ଟ ଚାଲାଣ କରିଥିବା ଜଣାପଡ଼ଛି । ଅଭିଯୋଗ ପ୍ରକାରେ ଉକ୍ତ ଗ୍ରାମର କେ. ଡ଼ିଲେଶୁ, କେ. ସୁନ୍ଦରରାଓ ଓ କେ. ଧର୍ମା ରେଡ୍ଡୀ ଉକ୍ତ ତିନି ଜଣ ଏକ ବାଇକ୍ରେ ଗ୍ରାମକୁ ଫେରୁଥିବା ବେଳେ ଖମ୍ବାରିଗା ବାବନପୁର ମଧ୍ୟସ୍ଥଳୀରେ ଥିବା ଏକ ପଥର କୁଆଁରୀ ନିକଟରେ ସେହି ଗ୍ରାମର କେ. ଚିନୟା, କେ. ନୋକେୟା, ପି. ପୁରୁଷୋତ୍ତମଙ୍କ ସମେତ ପ୍ରାୟ ୧୦ରୁ ଊର୍ଦ୍ଧ୍ୱ ବ୍ୟକ୍ତି ବିଭିନ୍ନ ମାରଣାସ୍ତ୍ର ଧରି ଆକ୍ରମଣ କରିଥିଲେ । ଯାହା ଫଳରେ ସୁନ୍ଦର ରାଓ, ଡିଲେଶୁ ତଳେ ପଡ଼ିଯାଇଥିଲେ ।
ଆଜି ସୁନ୍ଦର ରାଓଙ୍କ ଦୁଇ ହାତ ଗୋଡ଼ ଓ ଶରୀରର ବିଭିନ୍ନ ସ୍ଥାନକୁ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ । ଖବର ପାଇ ଜରଡ଼ା ଥାନା ପୋଲିସ ଘଟଣାସ୍ଥଳରେ ପହଞ୍ôଚ ସୁନ୍ଦର ରାଓଙ୍କୁ ଉଦ୍ଧାର କରିବା ସହ ପାତ୍ରପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ସୁନ୍ଦର ରାଓଙ୍କ ଅବସ୍ଥା ଗୁରୁତର ହେବାରୁ ବ୍ରହ୍ମପୁର ସ୍ଥାନାନ୍ତର କରାଯାଇଥିଲା । ଉକ୍ତ ଘଟଣାରେ ଜରଡା ଥାନା ପୋଲିସ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଜଣାପଡିଛି । ଗିରଫ ବ୍ୟକ୍ତି ମାନେ ହେଲେ କେ. ପୁରୁଷୋତ୍ତମ, କେ. ବିଶ୍ୱନାଥ, କେ. ତୁଳସୀ ଦାସ । ପୂର୍ବ ଶତ୍ରୁତାକୁ କେନ୍ଦ୍ରକରି ଏହି ଘଟଣା ଘଟିଥିବା ବେଳେ ଗ୍ରାମର ଏକ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯାଇଛି । ତଦନ୍ତ ପରେ ଅନ୍ୟ ଅଭିଯୁକ୍ତମାନଙ୍କୁ ଗିରଫ କରାଯିବ ବୋଲି ଜରଡା ଥାନା ଅଧିକାରୀ ସୁନିଲ କୁମାର ବେହେରା ପ୍ରକାଶ କରିଛନ୍ତି ।
