କରୋନା ସମୟରେ ତୈଳଦର ବୃଦ୍ଧି ଜନସାଧାରଣଙ୍କ ପାଇଁ ବୋଝ ଉପରେ ଲଳିତା ବିଡ଼ା – ନିରଞ୍ଜନ ପଟ୍ଟନାୟକ

ଭୁବନେଶ୍ୱର : ପ୍ରତିଦିନ କେନ୍ଦ୍ର ଅର୍ଥମନ୍ତ୍ରୀ ପ୍ୟାକେଜ୍ ଘୋଷଣା କରିଚାଲିଛନ୍ତି । ତାକୁ ସମୀକ୍ଷା କଲେ ଜଣାଯିବ, ଏହି
ପ୍ୟାକେଜ୍ ସବୁ ଲୋକଙ୍କୁ ଲୁଟିବାର ଗୋଟିଏ ରାସ୍ତା । ଦିନ ଦ୍ୱିପ୍ରହରରେ ଲୁଟିବାକୁ ପଛାଉନାହାଁନ୍ତି ଏମାନେ ବୋଲି ପ୍ରଦେଶ କଂଗ୍ରେସ
କମିଟି ସଭାପତି ଶ୍ରୀ ନିରଞ୍ଜନ ପଟ୍ଟନାୟକ ଆଜି ଏକ ପ୍ରେସ୍ ବିବୃତ୍ତି ମାଧ୍ୟମରେ କହିଛନ୍ତି ।
ସେ ଗୋଟିଏ ଦୃଷ୍ଟାନ୍ତ ଦେଇ କହିଛନ୍ତି ଯେ,ଯେତେବେଳେ ଆନ୍ତର୍ଜାତିକ ବଜାରରେ ଅଶୋଧିତ ତୈଳର ମୂଲ୍ୟ ୧୧୦ ଡଲାର ଥିଲା, ତେଲ ଦର ବର୍ଚାମାନ ଦରଠୁ କମ୍ ଥିଲା ।କିନ୍ତୁ ଏବେ ବ୍ୟାରେଲ୍ ପିଛି ଅଶୋଧିତ ତୈଳର ମୂଲ୍ୟ ୩୦ ଡଲାର ଥିବା ବେଳେ କେନ୍ଦ୍ର ଓ ରାଜ୍ୟ ସରକାର ଭାଟ୍ ବଢ଼େଇ ତେଲ ଦର କ୍ରମାଗତ ଭାବେ ବଢ଼େଇ ଚାଲିଛନ୍ତି । କିଛିଦିନ ତଳେ କେନ୍ଦ୍ର ସରକାର ଦର ବଢ଼ାଇଥିବା ବେଳେ, ଆଜିଠାରୁ ରାଜ୍ୟ ସରକାର
ପେଟ୍ରୋଲ ଲିଟର ପିଛା ୩ ଟଙ୍କା ୧୧ ପଇସା ଓ ଡିଜେଲ ଲିଟର ପିଛା ୧ ଟଙ୍କା ୩ ପଇସା ବଢ଼ାଇଛନ୍ତି । ପ୍ରକୃତରେ ତେଲର ମୂଳ
ମୂଲ୍ୟ ଲିଟର ପିଛା ୨୦ ଟଙ୍କା ଥିବା ବେଳେ କେନ୍ଦ୍ର ଓ ରାଜ୍ୟ ସରକାର ପାଖାପାଖି ୪୮ରୁ ୫୨ ଟଙ୍କା ଜନସାଧାରଣଙ୍କଠାରୁ ଲୁଟି
ଚାଲିଛନ୍ତି । ପେଟ୍ରୋଲ ଲିଟର ପିଛା କେନ୍ଦ୍ର ସରକାର ୩୩ ଟଙ୍କା ଭାଗ ପାଉଥିଲା ବେଳେ ରାଜ୍ୟ ସରକାର ୧୭ ଟଙ୍କା ଭାଗ
ପାଉଛନ୍ତି । ସେହିପରି ଡିଜେଲରେ ଲିଟର ପିଛା କେନ୍ଦ୍ରସରକାର ୩୨ ଟଙ୍କା ପାଉଥିବା ବେଳେ ରାଜ୍ୟ ସରକାର ୧୪ ଟଙ୍କା ପାଉଛନ୍ତି ।
ଏହା ଲୋକଙ୍କ ଉପରେ ବୋଝ ଉପରେ ଲଳିତା ବିଡ଼ା ସଦୃଶ । ବୋଝ ହେଉଛନ୍ତି କେନ୍ଦ୍ର ସରକାର, ଲଳିତା ବିଡ଼ା ହେଉଛନ୍ତି ରାଜ୍ୟ
ସରକାର । ଏହାଦ୍ୱାରା ଦରଦାମ୍ ବୃଦ୍ଧି ପାଇବ ଏବଂ ଯେଉଁମାନେ ଗ୍ରାହକ, ସେମାନେ ହଇରାଣ ହେବେ । ଏବେ କରୋନା ମହାମାରୀ
ସମୟରେ ଲୋକ ଆର୍ଥିକ ଦୂରାବସ୍ଥା ଦେଇ ଗତି କରି ହଇରାଣ ହେଉଥିବା ବେଳେ ସେମାନେ ଆହୁରି ହୀନସ୍ତା ହେବେ । ଏହା
ଲୋକମାନଙ୍କୁ ସାହାଯ୍ୟ କରାଯାଉଛି ନା ତାଙ୍କର ଆର୍ଥିକ ଅବସ୍ଥାକୁ ତଳିତଳାନ୍ତ କରିବାକୁ କେନ୍ଦ୍ର ସରକାର ଓ ରାଜ୍ୟ ସରକାର ଚେଷ୍ଟା
ଚଳାଇଛନ୍ତି, ବୁଝି ହେଉନାହିଁ । ଏହାଦ୍ୱାରା ସାଧାରଣ ଲୋକ ଓ ଖାଉଟିଙ୍କର ମଙ୍ଗଳ ହେବନାହିଁ । ଲୋକ ଆହୁରି ଦୁଃଖ ଦୁର୍ଦ୍ଦଶା ମଧ୍ୟକୁ
ଠେଲି ହୋଇଯିବେ ବୋଲି ଶ୍ରୀ ପଟ୍ଟନାୟକ ସତର୍କ କରାଇ ଦେଇଛନ୍ତି ।
ଅନ୍ୟ ଏକ ପ୍ରସଙ୍ଗରେ କହିଛନ୍ତି, ଗୋଟିଏ ସରପଚା ମହାମାରୀ କରୋନାରେ ଆକ୍ରାନ୍ତ ହେବାର ଖବର ମିଳିଛି । ଏ ସରପଚା
ମହାଶୟ କେତେ ଲୋକଙ୍କ ସଂସ୍ପର୍ଶରେ ଆସିଥିବେ, ତାର ହିସାବ ନାହିଁ । ତେଣୁ ଏସବୁ ସମ୍ପର୍କରେ ମଧ୍ୟ ସରକାର ସମସ୍ତ କ୍ୱାରେଚାାଇନ୍‌
ସେଚାର୍‌ରେ ସଚେତନ କରିବା ଦରକାର ଏବଂ ଯେଉଁମାନଙ୍କୁ ଦାୟିତ୍ୱ ଦେଇଛନ୍ତି, ସେମାନଙ୍କୁ ସଚେତନ କରିବା ଦରକାର । ବର୍ଚାମାନ
ରାଜ୍ୟ ବାହାରୁ ଯେଉଁ ସଂଖ୍ୟାରେ ଲୋକମାନେ ଓଡ଼ିଶାକୁ ଆସିବା ପାଇଁ ଆରମ୍ଭ କଲେଣି, ପରବର୍ଚାୀ ସମୟରେ ତାହା ଭୟାବହ ପରିସ୍ଥିତି
ସୃଷ୍ଟି କରିବ, ଯାହା ଧାରଣା ବାହାରେ । ବଲାଙ୍ଗୀର, ନୂଆପଡ଼ା, କଳାହାଣ୍ଡିରେ ଯେଉଁମାନେ ଦାଦନ ଶ୍ରମିକ ହିସାବରେ ଇଟାଭାଟିରେ
କାମ କରିବାକୁ ଅନ୍ୟ ରାଜ୍ୟକୁ ଯାଇଥିଲେ, ସେମାନେ ରାଜ୍ୟକୁ ଫେରିବାକୁ ଆରମ୍ଭ କଲେଣି । ସେସବୁ ଜିଲ୍ଲାର ଅବସ୍ଥା ସାଙ୍ଘାତିକ
ହେବ  । ସେଥିପାଇଁ ସରକାର ସତର୍କତା ଅବଲମ୍ବନ କରିବା ଉଚିତ ବୋଲି ଶ୍ରୀ ପଟ୍ଟନାୟକ କହିଛନ୍ତି |