ଯାଜପୁର : ଯାଜପୁର ଡିଷ୍ଟ୍ରିକ୍ଟ ଲୟର୍ସ ଆସୋସିଏସନ କର୍ମକର୍ତ୍ତାଙ୍କ ନିର୍ବାଚନ ଶପଥ ଗ୍ରହଣ ଉତ୍ସବ ଯାଜପୁର କୋର୍ଟ ପରିସରରେ ଅନୁଷ୍ଠିତ ହୋଇଯାଇଛି । ବରିଷ୍ଠ ଆଇନଜୀବୀ ପ୍ରତାପ ରାୟଙ୍କ ସଭାପତିତ୍ୱରେ ଅନୁଷ୍ଠିତ ଶପଥ ଗ୍ରହଣ ଉତ୍ସବରେ ନିର୍ବାଚନ ଅଧିକାରୀ ଅକ୍ଷୟ ବଳ ନିର୍ବାଚିତ ପ୍ରତିନିଧିଙ୍କର ନାମ ଘୋଷଣା କରିବା ସହ ଶପଥ ପାଠ କରାଇଥିଲେ । ସଭାପତି ଭାବେ ପ୍ରବୀର ରାୟ, ସମ୍ପାଦକ ଦିଲ୍ଲୀପ କୁମାର ଦାସ, ଉପସଭାପତି ମାନଗୋବିନ୍ଦ ଧଳ, ସହ ସମ୍ପାଦକ ଅନନ୍ତ ବାସୁଦେବ ଦାସ, କୋଷାଧ୍ୟକ୍ଷ ଦିଲ୍ଲୀପ ସାମଲ ପ୍ରମୁଖ ନିର୍ବାଚିତ ପ୍ରତିନିଧିଙ୍କୁ ନିର୍ବାଚନ ଅଧିକାରୀ ଶପଥ ପାଠ କରାଇଥିଲେ । ଏହି ଶପଥ ଗ୍ରହଣ ଉତ୍ସବରେ ବରିଷ୍ଠ ଆଇନଜୀବୀ ଉପସ୍ଥିତ ଥିଲେ । କୋଭିଡ୍ କଟକଣା ନିୟମ ପାଳନ କରି ଶପଥ ଗ୍ରହଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
