ନୂଆଦିଲ୍ଲୀ : ତୁଳସୀ ଅଧିକାଂଶ ଭାରତୀୟ ଘରର ଏକ ଗୁରୁତ୍ୱପୂର୍ଣ୍ଣ ଅଂଶ, ଏହାକୁ ଅଗଣାରେ କିମ୍ବା ହାଣ୍ଡିରେ ଲଗାଇବାକୁ ପସନ୍ଦ କରନ୍ତି କାରଣ ଏହି ଗଛର ଆୟୁର୍ବେଦିକ ଏବଂ ଧାର୍ମିକ ଗୁରୁତ୍ୱ ବହୁତ ଅଧିକ। ତୁଳସୀ ଔଷଧୀୟ ଗୁଣର ଏକ ଭଣ୍ଡାର ଭାବରେ ବିବେଚନା କରାଯାଏ, ଏହାର ପତ୍ରର ବ୍ୟବହାର ଥଣ୍ଡା-କାଶକୁ ଭଲ କରିବା ପାଇଁ ବ୍ୟବହୃତ ହୁଏ, କିନ୍ତୁ ଆପଣ ଜାଣନ୍ତି କି ତୁଳସୀ ଗଛର ମଞ୍ଜି ମଧ୍ୟ ଆମ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ଅଟେ। ସେଥିରେ ପ୍ରୋଟିନ୍, ଫାଇବର ଏବଂ ଆଇରନ୍ ପ୍ରଚୁର ପରିମାଣରେ ମିଳିଥାଏ। ଏହି ମଞ୍ଜିଗୁଡିକ ଆମ ପାଇଁ କିପରି ଉପଯୋଗୀ ହୋଇପାରିବ ଆସନ୍ତୁ ଜାଣିବା।
-ରୋଗ ପ୍ରତିରୋଧକ ଶକ୍ତିର ଖୁବ୍ ଗୁରୁତ୍ବ ରହିଛି, କାରଣ ବହୁ ରୋଗ ଓ ସଂକ୍ରମଣରୁ ରକ୍ଷା କରିବାରେ ଆମର ସାହାଯ୍ୟ କରିଥାଏ, କିନ୍ତୁ କରୋନା ମହାମାରୀ ପରେ ରୋଗ ପ୍ରତିରୋଧକ କ୍ଷମତାକୁ ଭଲ କରିବା ଉପରେ ଅଧିକ ଯୋର ଦିଆଯାଉଛି। ଏଥିପାଇଁ ଆପଣ ତୁଳସୀ ମଞ୍ଜିର କାଢା ତିଆରି କରି ପିଇ ପାରିବେ।
– ଯଦି ଆପଣଙ୍କୁ କୋଷ୍ଠକାଠିନ୍ୟ, ଏସିଡିଟି ଗ୍ୟାସ୍ର ସମସ୍ୟା ହୁଏ ତେବେ ଏଥିପାଇଁ ତୁଳସୀ ଗଛର ମଞ୍ଜିକୁ ପାଣିରେ ପକାଇ ଦିଅନ୍ତୁ ଓ ଏହାକୁ ଫୁଲିବାକୁ ଅପେକ୍ଷା କରନ୍ତୁ। ଏହି ପାଣିକୁ ମଞ୍ଜି ସହିତ ପିଇବା ଫଳରେ ହଜମ ଶକ୍ତି ବଢିଥାଏ।
– ଯେଉଁ ଲୋକମାନେ ନିଜର ବଢୁଥିବା ଓଜନକୁ ନେଇ ଚିନ୍ତାରେ ଅଛନ୍ତି ସେମାନେ ତୁଳସୀ ଗଛର ମଞ୍ଜିକୁ ବ୍ୟବହାର କରନ୍ତୁ। କାରଣ ଏଥିରେ କ୍ୟାଲୋରୀ ଖୁବ୍ କମ୍ ରହିଥାଏ ଓ ଫାଇବର ଭରପୁର ମାତ୍ରାରେ ଥାଏ। ଏହି ମଞ୍ଜି ଖାଇବା ଫଳରେ ଭୋକ ଲାଗେନି, ଯାହାଫଳରେ ଓଜନ ଧୀରେ ଧୀରେ ହ୍ରାସ ପାଏ।
– ବହୁତ କମ୍ ଲୋକ ଜାଣନ୍ତି ଯେ, ତୁଳସୀ ଗଛର ମଞ୍ଜିର ବ୍ୟବହାର ମାନସିକ ଚିନ୍ତା କମ୍ କରିବା ପାଇଁ ବ୍ୟବହାର କରାଯାଇଥାଏ। ଯଦି ଆପଣ ଡିପ୍ରେସନ୍ କିମ୍ବା ଚିନ୍ତାରେ ଅଛନ୍ତି ତେବେ ତୁଳସୀ ମଞ୍ଜି ନିଶ୍ଚିତ ଖାଆନ୍ତୁ। ଏଭଳି କରିବା ଫଳରେ ଚିନ୍ତା ଦୂର ହେବ।