27.1 C
Bhubaneswar
Friday, March 29, 2024
Homeଦେଶ ବିଦେଶସୁକ୍‌ମାରେ ୧୭ ଯବାନ ସହିଦ

ସୁକ୍‌ମାରେ ୧୭ ଯବାନ ସହିଦ

ରାୟପୁର : ଛତିଶଗଡ଼ର ସୁକ୍‌ମାରେ ୧୭ ଯବାନ ସହିଦ ହୋଇଛନ୍ତି। ଅନ୍ୟପକ୍ଷରେ ୧୪ ଜଣ ଆହତ ହୋଇଛନ୍ତି। ଗୋଟିଏ ପଟେ ସାରା ଦେଶ କରୋନା ବିରୋଧରେ ‘ଜନତା କର୍ଫ୍ୟୁ’ ପାଳନ କରୁଥିବାବେଳେ ହିଁ ଏଭଳି ଦୁଃଖଦ ଖବର ଆସି ପହଞ୍ଚିଛି । ଶନିବାର ନକ୍ସଲଙ୍କ ସହ ଯବାନଙ୍କର ଏପରି ମୁହାଁମୁହିଁ ହୋଇଥିଲା।
ସୂଚନା ଅନୁଯାୟୀ, ଯବାନମାନେ ଶନିବାର ନକ୍ସଲଙ୍କ ସହ ସୁକ୍‌ମାଠାରେ ମୁହାଁମୁହିଁ ହୋଇଥିଲେ। ଏହାପରେ ନିଖୋଜ ହୋଇଥିବା ୧୭ ଜଣ ଯବାନଙ୍କ ମରଶରୀର ଆଜି ଉଦ୍ଧାର କରାଯାଇଛି। ଜଙ୍ଗଲ ଭିତରୁ ସର୍ଚ୍ଚ ଟିମ୍ ଏହି ମରଶରୀର ଠାବ କରିବା ସହ ଉଦ୍ଧାର କରାଯାଇଛି ବୋଲି ବସ୍ତର ରେଞ୍ଜ ଆଇଜିପି ସୁନ୍ଦରରାଜ ପି ସୂଚନା ଦେଇଛନ୍ତି। ଶନିବାର ବହୁତ ସଂଖ୍ୟାରେ ନକ୍ସଲ ଏକାଠି ହୋଇଥିବାର ସୂଚନା ପାଇବା ପରେ ସୁରକ୍ଷା ବାହିନୀ ପକ୍ଷରୁ ମିଳିତ ଅପରେସନ୍ ହୋଇଥିଲା। ଏଥିରେ ଡିଷ୍ଟ୍ରିକ୍ଟ ରିଜର୍ଭ ଗାର୍ଡ, ସ୍ପେଶାଲ ଟାସ୍କ ଫୋର୍ସ, ସିଆରପିଏଫ୍‌ର କମାଣ୍ଡୋ ବାଟାଲିଅନ୍ ଫର ରିସୋଲ୍ୟୁଟ୍ ଆକ୍ସନ୍ ଆଦି ଏଥିରେ ଭାଗ ନେଇଥିଲେ। ପାଟ୍ରୋଲିଂ ଟିମ୍ ମିନ୍‌ପା ଗାଁ ପାଖ ଜଙ୍ଗଲ ଦେଇ ଯିବାବେଳେ ପ୍ରାୟ ୨୫୦ ସଶସ୍ତ୍ର ନକ୍ସଲ ସଂଙ୍ଘବଦ୍ଧ ଆକ୍ରମଣ କରିଥିଲେ। ଏହି ଗୁଳିବିନିମୟ ଲଢ଼େଇ ପ୍ରାୟ ଅଢ଼େଇ ଘଣ୍ଟା ଧରି ଚାଲିଥିଲା। ଏହାପରେ ୧୭ ଜଣ ନିଖୋଜ ହୋଇଥିବା ଜଣାପଡ଼ିଥିଲା, ଯାହାଙ୍କ ମରଶରୀର ଆଜି ଉଦ୍ଧାର କରାଯାଇଛି। ଆହତମାନଙ୍କୁ ବିମାନ ଯୋଗେ ରାୟପୁର ନିଆଯାଇଛି।

5,005FansLike
2,475FollowersFollow
12,700SubscribersSubscribe

Most Popular

HOT NEWS

Breaking