ଭୁବନେଶ୍ୱର : ଶୋରିଷ ତେଲ କେବଳ ଖାଇବାରେ ବ୍ୟବହାର କରାଯାଏ ତାହା ନୁହେଁ । ଏହା ବିଭିନ୍ନ ସ୍ୱାସ୍ଥ୍ୟଗତ ସମସ୍ୟାରୁ ମଧ୍ୟ ରକ୍ଷାକରେ । ଥଣ୍ଡା ହେଲେ ଏଥିରୁ ମୁକ୍ତି ପାଇବା ପାଇଁ ମଧ୍ୟ ସୋରିଷ ତେଲର ବ୍ୟବହାର କରାଯାଏ । ସୋରିଷ ତେଲରେ ରସୁଣକୁ ଫୁଟାଇ ପାଦରେ ମାରିଲେ ଥଣ୍ଡା ଜନିତ ଯନ୍ତ୍ରଣାରୁ ଆରାମ ମିଳେ । ଅଧିକାଂଶ ଲୋକ ଏହାକୁ ତ୍ୱଚାରେ ମାରିବାକୁ ପସନ୍ଦ କରନ୍ତି ନାହିଁ । ତେବେ ତ୍ୱଚାରେ ସୋରିଷ ତେଲ ଲଗାଇଲେ ଅନେକ ଫାଇଦା ମିଳିଥାଏ । ଆସନ୍ତୁ ଜାଣିବା ତ୍ୱଚାରେ ସୋରିଷ ତେଲ ଲଗାଇଲେ କ’ଣ ସବୁ ଲାଭ ମିଳେ:-
୧. ସୋରିଷ ତେଲ ଶରୀରରେ ଆଣ୍ଟି-ଅକ୍ସିଡାଣ୍ଟ ପରି କାମ କରିଥାଏ। ପ୍ରତିଦିନ ଶରୀରରେ ସୋରିଷ ତେଲ ମାଲିସ କଲେ ଫଙ୍ଗଲ୍ ଇନଫେକସନ୍, ଜଳାପୋଡ଼ା, କୁଣ୍ଡାଇ ହେବା ଓ ଆଲର୍ଜି ଆଦି ଦୂର ହୋଇଥାଏ।
୨. ଶୀତ ଦିନେ ଏହାକୁ ଲାଗାଇଲେ ତ୍ୱଚାର ଶୁଖିଲାପଣ ଦୂର ହୋଇଥାଏ।
୩. ବେସନ ଓ ହଳଦୀ ସହିତ ସୋରିଷ ତେଲ ମିଶାଇ ମୁହଁରେ ଲଗାଇଲେ ମୁହଁର ସୌନ୍ଦର୍ୟ୍ୟ ବୃଦ୍ଧି ହୋଇଥାଏ।
୪. ଦେହରେ ସୋରିଷ ତେଲ ମାଲିସ୍ କଲେ ଥକାପଣ ଦୂର ହୋଇଥାଏ ଓ ମାଂସପେଶୀକୁ ଆରାମ ମିଳିଥାଏ।
୫. ଶୀତଦିନେ ଗୋଇଠି ଫାଟିବା ଭଳି ସମସ୍ୟା ଦେଖା ଦେଇଥାଏ। ଯଦି ଆପଣ ପ୍ରତିଦିନ ଗୋଇଠିରେ ସୋରିଷ ତେଲ ମାଲିସ୍ କରିବେ, ତା’ହେଲେ ଏହି ସମସ୍ୟା ଦେଖାଯିବ ନାହିଁ।