ପତ୍ନୀର ପରକିୟା ପ୍ରିତି ନେଲା କି ପତିର ଜୀବନ ??? ଏମିତି ଏକ ଲୋମ ଟାଙ୍କୁରା ଘଟଣାର ଟୁପୁର ଟାପର ଖବର ଘୁରିବୁଲୁଛି ଏତୁଣ୍ଡରୁ ସେତୁଣ୍ଡ

କେନ୍ଦ୍ରାପଡା : ପିଲା ଦିନରୁ ନିଜ ଭଣଜାକୁ ପୁଅ ପରି ନିଜ ଘରେ ରଖି ଲାଳନ ପାଳନ କରି ପାଠସାଠ ପଢାଇ ବଡ ମଣିଷ କଲେ ମାମୁଁ । ଭଣଜା ବଡ ମଣିଷ ହୋଇ ଚାକିରୀ କଲା । ଟଙ୍କା ରୋଜଗାର କଲା । ବେରୋଜଗାରୀ ମାମୁଁଙ୍କ ପତ୍ନୀ ତଥା ମାଇଁ ଉପରେ ପାପନଜର ପକାଇ ଚାଲିଥିଲା ଭଣଜା । ଶେଷରେ ମାଇଁ ଭଣଜାଙ୍କ ପାପ ପ୍ରଣୟ ଏବେ ମାମୁଁଙ୍କ ଜୀବନ ନେଇଛି ବୋଲି ଚର୍ଚ୍ଚା ଯୋର ଧରିଛି
ଏ ନଥିଲା ରାଧା ମାଇଁ ଓ ଭଣଜା କୃଷ୍ଣଙ୍କ ଶାଶ୍ବତ ପ୍ରେମର ସମ୍ପର୍କ । ଏଥିରେ ରହିଥିଲା ଦୈହିକ ପ୍ରେମ ଆଉ ପାପ ପ୍ରଣୟର କଳଙ୍କ । ମାଇଁ ଭଣଜାଙ୍କ ପାପ ପ୍ରଣୟ ଯେ ମାମୁଁଙ୍କ ଜୀବନ ନେବ ତାହା କେହି ବିଶ୍ବାସ କରି ପାରୁନଥିଲେ ମଧ୍ୟ ସତ ବୋଲି ଚର୍ଚ୍ଚା ହେବାରେ ଲାଗିଛି । ଏମିତି ଘଟଣା ଘଟିଛି କେନ୍ଦ୍ରାପଡା ଜିଲ୍ଲାର ନିକିରାଇ ଥାନା ଅଞ୍ଚଳରେ ବୋଲି କୁହାଯାଉଛି । ପିଲାଟି ଦିନରୁ ଭଣଜାକୁ କାଖେଇ କୋଳେଇ ଛୋଟରୁ ବଡ କରିଥିଲା ମାମୁଁ । ପାଠସାଠ ପଢାଇ ବଡ କରିଥିଲା । ଭଣଜା ଚାକିରୀ କରି ଦରମା ପାଇଲା । ବେରୋଜଗାରୀ ସ୍ବାମୀଙ୍କୁ ଅଣଦେଖା କରୁଥିଲା ସ୍ତ୍ରୀ । ଭଣଜା ପାଖରେ ବିଡାବିଡା ଟଙ୍କା ଦେଖି, ସ୍ବାମୀଙ୍କ ଠାରୁ ମନ ଫେରାଇ ଭଣଜା ସହିତ ଯୋଡି ଦେଇଥିଲା ମାଇଁ । ମାଇଁ ଭଣଜାଙ୍କ ପାପ ସମ୍ପର୍କର କାହାଣୀ ଗାଁ ସାରା ଘୁରି ବୁଲୁଥିଲା । ବାଟରେ ଘାଟରେ ଲୋକେ କୁହାକୁହି ହେଲେ । ଶୁଣି ଶୁଣି କାନ ବଧିରା ହୋଇଯାଉଥିଲା ବିଚାରା ସ୍ବାମୀଙ୍କର । ଦୁଇ ଦିନ ତଳେ ଗାଁ ଦାଣ୍ଡର ଏହି ଶୁଣା କାହାଣୀ କୁଆଡେ ସତରେ ନିଜ ଆଖିରେ ଦେଖିଲା ସ୍ବାମୀ । ମାଇଁ ସହ ଭଣଜାର ପାପ ପ୍ରଣୟର ଦୃଶ୍ୟ ଦେଖି ମାମୁଙ୍କର ହୋସ୍ ଉଡିଯାଇଥିଲା । ଧର୍ଯ୍ୟଧରି ପାରିଲେନି । ସ୍ତ୍ରୀର ପରକିୟା ପ୍ରୀତିକୁ ନିଜ ଆଖିରେ ଦେଖି ସ୍ବାମୀ କିପରି ବରଦାସ୍ତ କରିଥାନ୍ତା ? ଏକଥା ଉଚରା କରିବାରୁ କୁଆଡେ ମାଇଁ ଓ ଭଣଜା ମିଶି ଆକ୍ରମଣ କରିଥିଲେ ମାମୁଁଙ୍କୁ । ଦୁହିଙ୍କ ଆକ୍ରମଣରେ ଗୁରୁତର ମାମୁଁଙ୍କୁ କଟକର କେଉଁ ଏକ ଡାକ୍ତରଖାନାକୁ ନିଆଯାଇଥିଲା । ସେଠାରେ ତାଙ୍କର ମୃତ୍ୟୁ ଘଟିଛି । ଶବ ପହଞ୍ଚିଥିଲା ଗାଁରେ । ଲୋକେ ଟୁପୁର ଟାପର ହେଲେ ବିଚରାକୁ ବାଡେଇ ବାଡେଇ ମାରିଦେଲେ ଏ ମାଇଁ ଭଣଜା । ହେଲେ ଥାନାରେ ଅଭିଯୋଗ କେହି କଲେନି । କୌଣସି ସୂତ୍ରରୁ ଖବର ପାଇ କୁଆଡେ ନିକିରାଇ ଥାନାର କେହି ଜଣେ କର୍ମଚାରୀ ସେଠାରେ ପହଞ୍ଚିଥିଲେ । ହେଲେ କିଛି କଲେନି । ଶେଷରେ ଗାଁ ଲୋକେ ଶବକୁ ନେଇ ଗାଁ ଶ୍ମଶାନରେ ଜୁଇରେ ନିଆଁ ଦେଇଦେଲେ । ମାମୁଁଙ୍କୁ ମୃତ୍ୟୁ ବେଳେ ଭଣଜାର ଅନୁପସ୍ଥିତି ଘଟଣାକୁ ଆହୁରି ସତେଜ କରିଦେଇଛି । ଲୋକଙ୍କ ତୁଣ୍ଡରେ ଏବେ ଏ କଳିଯୁଗ ରାଧା ମାଇଁ ଓ କୃଷ୍ଣ ଭଣଜାଙ୍କ କାହାଣୀ l