ମାଲକାନଗିରି: ମାଲକାନଗିରି ଜିଲ୍ଲା କାଲିମେଳା ଥାନା ଅନ୍ତର୍ଗତ ଚିନ୍ତଲୱଡା ପଞ୍ଚାୟତର ଵଟଣିଗୁଡାର ଦେବା ମାଡକାମୀଙ୍କୁ ପୂର୍ବଶତ୍ରୁତାକୁ କେନ୍ଦ୍ରକରି ହତ୍ୟା କରାଯାଇଥିବା ସନ୍ଦେହ କରାଯାଉଛି । ଦେବା ମାଡକାମୀଙ୍କ ବୟସ ପ୍ରାୟ ୭୦ ବର୍ଷ ହେବ ବୋଲି ଅନୁମାନ କରାଯାଉଛି । ତାଙ୍କୁ ଗୁଣିଗାରେଡି ସନ୍ଦେହ, ଗଛ ପଟା କାଟିବା ଓ ବନ ବିଭାଗ ଲୋକ ଦ୍ଵାରା ପଟା ଜବତ କରିବାକୁ କେନ୍ଦ୍ର କରି ହତ୍ୟା କରାଯାଇଛି ବୋଲି ସନ୍ଦେହ କରାଯାଉଛି ।
ଗ୍ରାମବାସୀଙ୍କ କହିବା ଅନୁସାରେ , ଗତକାଲି ରାତି ପ୍ରାୟ ଦଶଟା ବେଳକୁ ଗ୍ରାମ ଠାରୁ ୩୦୦ ମିଟର ଦୂରରେ ଦେବା ମାଡକାମୀ ଶୋଇଥିବା ବେଳେ ତିନି ଜଣ ଦୁର୍ବୁତ୍ତ ମାନେ ତାଙ୍କୁ ଟାଙ୍ଗିଆ ହାଣି ହତ୍ୟା କରିଛନ୍ତି । ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ହତ୍ୟା କରାଯାଇଛି ବୋଲି ପରିବାର ଅଭିଯୋଗ ଆଣିଛନ୍ତି । କାଲିମେଳା ଥାନା ଏଏସଆଇ ଶ୍ରୀ ଶଶୀଧର ବେହେରାଙ୍କୁ ପଚାରିବାରୁ ସେ କହିଛନ୍ତି, ଥାନାରୁ ଏସଆଇ ଓ କନେଷ୍ଟବଳ ଘଟଣା ସ୍ଥାନକୁ ଯାଇଛନ୍ତି ତଦନ୍ତ ପରେ ହିଁ ସବୁ କିଛି କହିହେବ ।
https://onakhabar.com/2020/01/04/tension/