ନୂଆଦିଲ୍ଲୀ: ଦୁନିଆରେ ଭରି ରହିଛି ଅନେକ ରହସ୍ୟ। ଯାହାକୁ ଜାଣିନାହାନ୍ତି କିଛି ଲୋକ। ତେବେ ଏମିତି କିଛି ସହର ମଧ୍ୟ ରହିଛି ଯେଉଁଠି ଆପଣ ଗଲେ ଆପଣଙ୍କ ମୃତ୍ତ୍ୟୁ ସୁନିଶ୍ଚିତ। ସେଥିପାଇଁ ଏହାକୁ ଭୟଂକର ସହର ବୋଲି କୁହାଯାଇଥାଏ। ଏହି ସହରଗୁଡିକର ଲୋକମାନେ ଯେକୌଣସି ସମୟରେ ମୃତ୍ୟୁର ସମ୍ମୁଖୀନ ହୋଇପାରନ୍ତି। ତେବେ ଆମେ ଆପଣଙ୍କୁ ଦୁନିଆର ଏମିତି କିଛି ସହରଗୁଡ଼ିକ ବିଷୟରେ କହିବୁ ଯାହା ଅତ୍ୟନ୍ତ ବିପଜ୍ଜନକ ବୋଲି ବିବେଚନା କରାଯାଏ।
ତିଜୁଆନା (ମେକ୍ସିକୋ): ତିଜୁଆନା ସହର ଦୁନିଆର ସବୁଠାରୁ ବିପଜ୍ଜନକ ସହର ଭାବରେ ପରିଗଣିତ ହୁଏ। ଏକ ଲକ୍ଷ ଲୋକଙ୍କ ପାଇଁ ୧୩୮ ଜଣଙ୍କୁ ହତ୍ୟା କରାଯାଇଥିବାର ଏହି ସହରରେ ହୋଇଥିବା ଅପରାଧକୁ ଆକଳନ କରାଯାଇପାରିବ। ଏହି ସହରରେ ପ୍ରତିଦିନ ପ୍ରାୟ ୬ ଜଣଙ୍କୁ ହତ୍ୟା କରାଯାଏ। ବଳାତ୍କାର, ହତ୍ୟା ଏବଂ ଅପହରଣ ଭଳି ହିଂସାତ୍ମକ ଅପରାଧ ପାଇଁ ସହର କୁଖ୍ୟାତ। ମଣିଷ ଚାଲାଣ ଏବଂ ଡ୍ରଗ୍ କାରବାର ହିଂସା ର ମୁଖ୍ୟ କାରଣ ଭାବରେ ବିବେଚନା କରାଯାଏ ଏହି ସହରକୁ।
ଅକାପୁଲକୋ ମେକ୍ସିକୋ: ଦୁନିଆର ସବୁଠାରୁ ବିପଦପୂର୍ଣ୍ଣ ସହର ମଧ୍ୟରେ ଅକାପୁଲକୋ ନାମକ ମେକ୍ସିକୋରେ ଆଉ ଏକ ସହର ଅଛି। ଏଠାରେ ଏକ ଲକ୍ଷ ଲୋକଙ୍କ ମଧ୍ୟରୁ ୧୧୧ ଜଣଙ୍କର ମୃତ୍ୟୁ ହୋଇଛି। ଏହି ସହର ଏକଦା ହଲିଉଡ ସେଟ୍ ପାଇଁ ଖେଳ ପଡିଆ ଥିଲା, କିନ୍ତୁ ବର୍ତ୍ତମାନ ରାସ୍ତାରେ ନିଶା ସେବକଙ୍କ ଖଟି ସ୍ଥଳ ପାଲଟିଛି। ୨୦୦ ରୁ ଅଧିକ ଗ୍ୟାଙ୍ଗ ଏହି ସହରର ପାହାଡ଼ିଆ ଅଞ୍ଚଳରେ ନିଜର ଗଡ଼ ସୃଷ୍ଟି କରିଛନ୍ତି।
କରାକାସ୍ (ଭେନେଜୁଏଲା): କରାକାସ୍ ନାମ ମଧ୍ୟ ବିଶ୍ୱର ବିପଦପୂର୍ଣ୍ଣ ସହରରେ ଅନ୍ତର୍ଭୁକ୍ତ। ଏହି ସହର ୨୦୧୭ ରେ ପ୍ରଥମ ଥର ପାଇଁ ବିପଦପୂର୍ଣ୍ଣ ରାଜଧାନୀର ନାମ ପାଇଲା। ଏହା ଦୁନିଆର ତୃତୀୟ ଭୟଂକର ସହର। ଏଠାରେ ପ୍ରତି ଲକ୍ଷ ଲୋକଙ୍କ ପ୍ରତି ୧୦୦ ଜଣଙ୍କର ମୃତ୍ୟୁ ଘଟିଛି, ଯେଉଁଥିପାଇଁ ଏହା ବିଶ୍ୱର ବିପଜ୍ଜନକ ସହରରେ ଅନ୍ତର୍ଭୁକ୍ତ। ବିଶ୍ୱାସ କରାଯାଏ ଯେ ଏଠାରେ ହିଂସା ହେବାର କାରଣ ହେଉଛି ଦାରିଦ୍ର ଏବଂ ଖରାପ ଆଇନ ଶୃଙ୍ଖଳା।
ସିଉଡାଡ ଭିକ୍ଟୋରିଆ ମେକ୍ସିକୋ: ଦୁନିଆର ସବୁଠାରୁ ବିପଜ୍ଜନକ ସହର ମଧ୍ୟରେ ମେକ୍ସିକୋର ସିଉଡାଡ ଭିକ୍ଟୋରିଆ ସହର ପ୍ରଥମ, ଦ୍ୱିତୀୟ ଏବଂ ଚତୁର୍ଥ ସ୍ଥାନରେ ରହିଛି। ଏହି ସହରରେ ଏକ ଲକ୍ଷ ଲୋକଙ୍କ ମଧ୍ୟରେ ୮୬ ଜଣଙ୍କର ମୃତ୍ୟୁ ଘଟିଛି। ଏହି ହତ୍ୟାକାଣ୍ଡର କାରଣ ପୋଲିସ, ସୈନିକ ଏବଂ ଅପରାଧିକ ଗୋଷ୍ଠୀ ମଧ୍ୟରେ ଗୁଳି ବିନିମୟ ବୋଲି ଜଣାପଡିଛି। କାରାଗାରରେ ହିଂସା ଏବଂ ଡ୍ରଗ୍ କାର୍ଟେଲ ମଧ୍ୟରେ ଗୁଳି ବିନିମୟ ମଧ୍ୟ ମୃତ୍ୟୁର କାରଣ ହୋଇଥାଏ।