ନୂଆପଡ଼ା : ଦେଶରେ ନାରୀ ନିର୍ଯ୍ୟାତନାର ପରିମାଣ କ୍ରମଶଃ ବୃଦ୍ଧି ପାଉଥିବା ବେଳେ କ୍ରୁରକାମୀର କାମନାରୁ କୋମଳମତୀ ଶିଶୁମାନେ ମଧ୍ୟ ବାଦ୍ ପଡୁ ନାହାଁନ୍ତି | ନୂଆପଡ଼ା ଜିଲ୍ଲା ଜୋଙ୍କ ଥାନା ଅଞ୍ଚଳରେ ଜଣେ ୪ ବର୍ଷର ନାବାଳିକାକୁ ଦୁଷ୍କର୍ମ ହୋଇଥିବା ଅଭିଯୋଗ ହୋଇଛି । ୨ ମାସ ତଳେ ସେହି ଗାଁର ଜଣେ ନାବାଳକ ଏହି ଜଘନ୍ୟକାଣ୍ଡ ଭିଆଇଥିବା ଥାନାରେ ପରିବାର ଲୋକେ ଅଭିଯୋଗ କରିଛନ୍ତି । ଏପରିକି ଘଟଣା ସମ୍ପର୍କରେ କାହାକୁ କହିଲେ ଝିଅର ଭିଡିଓ ଭାଇରାଲ କରିଦେବେ ବୋଲି ପୀଡ଼ିତାର ବାପାଙ୍କୁ ନାବାଳକ ଅଭିଯୁକ୍ତ ଧମକ ଦେଇଥିଲା ବୋଲି ଜଣା ପଡିଛି । ତେବେ ଏନେଇ ଗତକାଲି ପୀଡ଼ିତାଙ୍କ ପରିବାରବର୍ଗ ଜୋଙ୍କ ଥାନାରେ ଅଭିଯୋଗ କରିଛନ୍ତି । ଏହା ପରେ ପୁଲିସ୍ ମାମଲା ରୁଜୁ କରି ନାବାଳକକୁ ଜୁଭେନାଇଲ୍ ଜଷ୍ଟିସ ବୋର୍ଡରେ ହାଜର କରାଇଥିବାର ସୂଚନା ମିଳିଛି ।