ନୂଆଦିଲ୍ଲୀ: ସହରର ଶାସ୍ତ୍ରୀ ପାର୍କ ଅଞ୍ଚଳରେ ଜଣେ ଆଠ ବର୍ଷର ବାଳିକାକୁ ଦୁଇ ନାବାଳକଙ୍କ ଦ୍ୱାରା ଯୌନ ନିର୍ଯାତନା ଦିଆଯାଛି । ଏହି ଜଘନ୍ୟ ଅପରାଧ ପରେ ନାବାଳିକାକୁ ଚିକିତ୍ସା ପାଇଁ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ଓ 10-12 ବର୍ଷ ବୟସର ଦୁଇ ନାବାଳକଙ୍କୁ ପୋଲିସ ଗିରଫ କରିଛି ।
ମାମଲାର ବିବରଣୀ ଅନୁଯାୟୀ, ଆଠ ବର୍ଷର ବାଳିକା ସୋମବାର ଦିନ ପ୍ରାୟ 2 ଟା ସମୟରେ ତାଙ୍କ ଘର ବାହାରେ ଖେଳୁଥିଲା ବେଳେ ସେହି ଅଞ୍ଚଳର ବାସିନ୍ଦା ଜଣେ ଅଭିଯୁକ୍ତ ନାବାଳିକାଙ୍କୁ ପ୍ରଲୋଭିତ କରିଥିଲା। ଏହା ପରେ ସେ ତାଙ୍କ ସାଙ୍ଗଙ୍କ ସହ ଯୌନ ନିର୍ଯାତନା ଦେଇଥିଲେ।
ନାବାଳିକା ଜଣକ ଅପରାହ୍ନ ପ୍ରାୟ 4ଟା 30 ବେଳେ ଘରକୁ ଫେରି ଆସି ତାଙ୍କ ମାଆଙ୍କ ଆଗରେ ତାଙ୍କ ଦୁଖଦଃ ଘଟଣା ବିଷୟରେ କହିଥିଲେ। ପରବର୍ତ୍ତୀ ସମୟରେ, ଭାରତୀୟ ଦଣ୍ଡବିଧି ସଂହିତା (ଆଇପିସି) ଏବଂ ଶିଶୁମାନଙ୍କୁ ଯୌନ ଅପରାଧରୁ ସୁରକ୍ଷା (ପୋସ୍କୋ ) ଅଧିନିୟମ ଅନୁଯାୟୀ ଏକ ମାମଲା ରୁଜୁ କରାଯାଇଥିଲା।
ଅପରାଧ ପରେ ଡିସିଡବ୍ଲ୍ୟୁ ମୁଖ୍ୟ ଏକ ବିବୃତ୍ତିରେ କହିଛନ୍ତି ଯେ ଆଠ ବର୍ଷର ଶିଶୁକୁ ଅତି ନିର୍ମମ ଭାବେ ବଳାତ୍କାର କରାଯାଇଥିଲା। ସେ କହିଛନ୍ତି, “ଜଣେ ଆଠ ବର୍ଷର ଶିଶୁକୁ ବଳାତ୍କାର କରୁଥିବା ଲୋକମାନେ ମଣିଷ ନୁହଁନ୍ତି! ଦୋଷୀଙ୍କୁ ସବୁଠାରୁ କଠୋର ଦଣ୍ଡ ଦିଆଯିବା ଆବଶ୍ୟକ।”
