ବିହାର : ଚାରି ବର୍ଷର ବାଳିକା ବିହାରର ମୁଜାଫରପୁରରେ ଜଣେ 17 ବର୍ଷର ବାଳକ ଦ୍ୱାରା ବଳାତ୍କାର ହୋଇଥିବା ଅଭିଯୋଗ ହୋଇଛି। ଏହି ଘଟଣାଟି ଦେଓରିଆ ପୋଲିସ ଷ୍ଟେସନ ଅଧୀନରେ ଘଟିଛି ଏବଂ ନାବାଳିକାଙ୍କୁ ଦେଓରିଆ ପୁରାଣ ବଜାରରୁ ଉଠାଇ ନିଆଯାଇ ବଳାତ୍କାର କରାଯାଇଛି ।
ଯଦିଓ ଏହି ଘଟଣା ଜାନୁଆରୀ 5ରେ ଘଟିଥିଲା, କିନ୍ତୁ ଚିକିତ୍ସା ସମୟରେ ପୀଡ଼ିତାଙ୍କ ଅବସ୍ଥା ଖରାପ ହେବା ପରେ ଏହା ସାମ୍ନାକୁ ଆସିଥିଲା । ନାବାଳିକାକୁ ଡାକ୍ତରଖାନା ନିଆଯିବା ପରେ ପୀଡିତାଙ୍କ ମା’ ପୋଲିସ ନିକଟରେ ପହଞ୍ଚି ଅଭିଯୋଗ ଆଣିଥିଲେ ।
ପ୍ରକାଶିତ ଏକ ରିପୋର୍ଟ ଅନୁଯାୟୀ; ନାବାଳିକା ଜଣକୁ ଜାନୁୟାରୀ 5 ରେ ସନ୍ଧ୍ୟା 4.30 ସମୟରେ ଘରର ପଛପଟରେ ବଳାତ୍କାର କରିଥିବା ଅଭିଯୋଗ ହୋଇଛି। ପୀଡିତାଙ୍କ ମାଆ ଏଫ୍ଆଇଆର୍ରେ ଅଭିଯୋଗ କରିଛନ୍ତି ଯେ ତାଙ୍କ ନାବାଳିକା ଝିଅକୁ ଏକ ଅଲଗା ସ୍ଥାନକୁ ନିଆଯାଇଥିଲା, ଯେଉଁଠାରେ ତାଙ୍କୁ ବଳାତ୍କାର କରାଯାଇଥିଲା।
ପୋଲିସ ଅଧିକାରୀ କହିଛନ୍ତି ଯେ, ପୀଡିତା ଜଣକ ଜାନୁଆରୀ 5 ରେ ଏକାକୀ ଖେଳୁଥିଲେ ସେତେବେଳେ ଅଭିଯୁକ୍ତ ତାଙ୍କୁ ଚକୋଲେଟ୍ ଦେବା ପାଇଁ ପ୍ରସ୍ତାବ ଦେଇ ତାଙ୍କୁ ଘରୁ ବାହାରକୁ ଆଣିଥିଲା। ନାବାଳକ ତାଙ୍କୁ ଘରର ପଛପଟ ଏକ ନିର୍ଜନ ସ୍ଥାନକୁ ନେଇ ବଳାତ୍କାର କରିଥିବା ଜଣାଯାଇଛି। ଘରକୁ ଫେରିବା ପରେ ପୀଡିତା ଜଣକ ତାଙ୍କ ମା’ଙ୍କୁ ଏହି କଷ୍ଟ ବିଷୟରେ ବର୍ଣ୍ଣନା କରିଥିଲେ।
ନାବାଳିକା ଜଣକ ବର୍ତ୍ତମାନ ଶ୍ରୀକୃଷ୍ଣ ମେଡିକାଲ କଲେଜ ଏବଂ ହସ୍ପିଟାଲରେ ଚିକିତ୍ସିତ ହେଉଛନ୍ତି ଏବଂ ତାଙ୍କର ଡାକ୍ତରୀ ପରୀକ୍ଷା କରାଯାଇଛି ବୋଲି ରିପୋର୍ଟରେ ଦର୍ଶାଯାଇଛି। ତାଙ୍କ ବିବୃତ୍ତି ନେବା ପାଇଁ ତାଙ୍କ ଅବସ୍ଥା ସ୍ଥିର ନଥିବା ପୋଲିସ କହିଛି।
ଅଭିଯୁକ୍ତ ବାଳକକୁ ପଳାଇବାରେ ସାହାଯ୍ୟ କରିଥିବା ଏବଂ ପୀଡିତାଙ୍କ ପରିବାରକୁ ପୋଲିସ ନିକଟକୁ ନଆସିବାକୁ ଚାପ ପକାଇଥିବା ଅଭିଯୋଗରେ ଅଭିଯୁକ୍ତଙ୍କ ପିତାମାତାଙ୍କୁ ମଧ୍ୟ ଗିରଫ କରାଯାଇଛି। ଅଭିଯୁକ୍ତ ପଳାଇବାରେ ସଫଳ ହୋଇଥିବାବେଳେ ମଙ୍ଗଳବାର ସନ୍ଧ୍ୟାରେ ତାଙ୍କ ପିତାମାତାଙ୍କୁ ଗିରଫ କରାଯାଇଥିଲା। ତେବେ ପରେ ପୋଲିସ ଅଭିଯୁକ୍ତଙ୍କୁ ଦେଓରିଆ ପୁରାଣ ବଜାରରୁ ଗିରଫ କରିଛି।
